“Яр Чаллы – Түбән Кама – Иштирәк” автомобиль юлында капиталь ремонт эшләре старт алды

Әлеге проект кысаларында шушы көннәрдә “Яр Чаллы – Түбән Кама – Иштирәк” автомобиль юлында да капиталь ремонт эшләре старт алды. Юлны ремонтлауга “Татавтодор” оешмасының Түбән Кама филиалы алынды. Бүген алар бу юлның иске катламын салдыру эшләре белән мәшгуль. Эш тәүлек дәвамында оештырылган, төзекләндерү эшләренә кимендә 25 ремонтлау техникасы җәлеп ителәчәк, капиталь ремонт эшләрен ел ахырына кадәр тәмамлау бурычы куела, - дип белдерде “Татавтодор” оешмасының Түбән Кама филиалы “Чаллы” юл-төзелеш участогы җитәкчесе Булат Садыйков. Шуны да әйтергә кирәк, “Яр Чаллы – Түбән Кама – Иштирәк” автомобиль юлында хәрәкәтне чикләү 30 октябрьгә кадәр дәвам итәчәк. Әлеге участокны “Яр Чаллы — Зәй — Әлмәт — Түбән Кама” һәм “Яр Чаллы — Түбән Кама — Көньяк” маршрутлары аша урап узарга була.

/фотография редакция архивыннан