Виртуаль парта артына утырырга бүген дә соң түгел

- Әлеге проект - һәр адымы күрсәтелгән махсус программа. Аның үз онлайн-порталы булдырылган. Әлеге порталда эшен башлап жибәрүче эшкуарларга һәм шулай ук гамәлдәге эшмәкәрләргә киң даирә өйрәтү материаллары, башлангыч тестлар урнаштырылган. Укуның дәвамлыгы - алты ай. Үзгәрешләргә әзер булу өчен теләсә кайсы кешегә һәрчак үз өстеңдә эшләргә, белем эстәргә кирәк. Һәрбер кеше ярты елда уникаль белем бирү программасын үзләштереп, үз белемнәрен яхшырта ала. Бу - иң алдынгы, заманча уку программасы бөтенләй бушлай. Үз өстеңдә шөгыльләнү өчен менә дигән проект. «Бизнес-класс» сайтына кереп, үз белемнәрегезне арттырырга чакырабыз, - диде район Башкарма комитеты җитәкчесенең икътисад буенча беренче урынбасары Роза Гыйззәтуллина.

Әлеге проектка район яшьләр эшләре, спорт һәм туризм бүлеге башлыгы Илнур Гәрәев та кушылган.

- «Бизнес-класс» проекты ярдәмендә компания белән идарә итү, үсеш тактикаларын булдыру, бизнесны үзгәртеп кору, команда туплау буенча тәҗрибә тупладым, - дип безгә үз фикерен белдерде ул.