Социаль хезмәтләр җыелмасыннан баш тартсаң, ел дәвамында аны кире кайтарып булмый

2005 елдан Россиядә ташламалы категорияле гражданнарны федераль бюджет исәбеннән дару препаратлары белән тәэмин итә башладылар. Социаль хезмәтләр җыелмасының суммасы 2015 елның 1 январеннан бер кешегә 707 сум тәшкил итә. Федераль законнар шулай ук ташламага ия гражданнарга дарулар җыелмасыннан баш тартып, акча алу мөмкинлеген дә бирә. Кагыйдә буларак, бу юлны дарулар алуга акчасы җитүчеләр сайлый. Дәвалану кыйммәткә төшкән очракларда пациентлар социаль хезмәтләр җыелмасыннан файдалана. Әйтергә кирәк, соңгысын сайлаучылар елдан-ел арта бара.