Сораштыру "Иң истә калган Яңа ел бәйрәме"

Риф Имамов, «Гигант» хуҗалыгы җитәкчесе:

«Иң истә калган Яңа ел дисезме - балачак Яңа елы! Беренче сыйныфка мин Актаныш районы Мерәс авылы мәктәбенә укырга кердем. Декабрь ахырында кулдан уенчыклар ясап, мәктәптә бәйрәм чыршысын бизәдек. Ул чакта уенчыкларны кибеттә сатмыйлар иде. Бик күңелле вакыйга булып хәтердә калган.

Ә гаиләбез өчен һәр Яңа ел алдының үзенчәлеге бар - 25 декабрьдә үземнең дә, хатыным Филсинәнең дә туган көннәребез. Шуңа күрә бәйрәмнәр бездә бер-берсенә кушылып китә. Гадәттә декабрь ахырында ике кызым гаиләләре белән кунакка кайта. Бүген алты оныгыбыз бар».