Оясында ни күрсә, очканда шул булыр

Безнең зур гаилә

Дөресрәге, безнең хикәядә геройлар күбрәк. Гусевлар династиясенең гомуми педагогик стажы 844 ел тәшкил итә бит. Ә бүгенге әңгәмәнең сәбәбе бер тантаналы вакыйга: шушы көннәрдә укытучылар көненә багышланган кабул итүдән, Татарстан Республикасы Президенты Рөстәм Миңнеханов белән очрашудан, Гусевлар  кайтып төште. Алар гаиләсе 100 мең сумлык сертификат белән бүләкләнде.

- Очрашуга өчәү бардык. Кремльгә чакыру көтелмәгән хәл булды. Шунысы куанычлы, безнең династияне бүләкләделәр. Белгәнегезчә, үзләрен укытуга багышлаган барлык туганнар өчен бу шатлык, – дип хискичерешләре белән уртаклашты Татьяна Викторовна.

Гусева Гөлфинә Хаевна Новотроицк мәктәбендә 42 ел буе белем бирә, алгебра һәм геометрия укыта, Россия Мәгариф һәм фән министрлыгының Мактау грамотасы белән бүләкләнә. Хәзер лаеклы ялда. Ире Леонид Степановичның вафатына инде 5 ел. Ул гомере буе үсеп килүче буынны укытуга багышлады, мәктәптә физкультура һәм музыка укытты. Леонид Гусев югары мәдәниятле кеше, аның фикере тирән иде. Бу укытучы гаиләсендә өч бала туган, барысы да педагог булып киткән. Джулиана һәм Элина-филологлар, инглиз теле укыталар.

Татарстанда бердәнбер

Гусевларның улы Валерий-алтынчы буын укытучысы. Югары уку йортын тәмамлагач, ул балаларны биология һәм география фәннәренә өйрәтә башлый. Хәзер Валерий Леонидович Чаллыдагы 51 нче мәктәп директоры, ул философия фәннәре кандидаты, озак вакыт КФУда, Чаллы педагогия университетында эшләде.

Валерий Гусев җитәкләгән мәктәп хәзерге вакытта республикада 60 нчы позициядән утызынчы баскычка күтәрелде. Укучылар саны да бер ел эчендә өчтән бер өлешкә артты. Моның сәбәбеIT-класслар ачу, Россия Мәгариф министрлыгы грантларында катнашу һәм, әлбәттә, читтән торып урта белем алу мөмкинлеге.

П р о г р е с с и в фикерләүче җитәкче Татарстанда гадәти мәктәптә беренче тапкыр читтән торып уку бүлеген ачуга иреште.

Валерий Гусев сүзләренчә, укытуның бу формасын дистанцион яки өйдәге белән бутарга кирәкми. Читтән торып уку варианты укучы белем бирү учреждениесенә көн саен йөрүдән азат ителүен күздә тота, шул ук вакытта ул барлык зачетларны да тапшырырга тиеш.

Валерий Леонидович укучылар өчен читтән торып уку тәҗрибәсе белән танышу өчен күптән түгел Екатеринбургка барган икән.

Өйдәге педсовет

- Без өйдә эш турында сөйләшмәскә тырышабыз. Валерий җитәкләгән мәктәптәге яңалыклар турында массакүләм мәгълүмат чараларыннан күп нәрсә беләм. Өйгә соң кайтабыз, әгәр дә педагогик эшчәнлек мәсьәләләре турында фикер алыша башласак, кыйммәтле вакытны үзебезнең фикер алышулар һәм бәхәсләребез белән өйдәге педсоветка әйләндерәбез, – диде Татьяна Викторовна.

Гусевлар шәҗәрә агачын 2010 елда төзи башлыйлар. Шул вакыттан бирле ул бик күп мәгълүматлар, даталар белән үскән, бабаларының нәсел җепләрен эзләү башланган, әле яңа гына  дөньяга килгән балаларга кадәр теркәп куйганнар. Эш шунда ки, туганнарын эзләгәндә Гусевлар мөмкин булган барлык ысулларны, шул исәптән интернетны да кулланган. Хәтта «Жди меня» программасына да мөрәҗәгать иткәннәр.

- Ирем алтынчы буын педагогы, ә мин икенче буын. Әнисе Нина Андреевна Сурова авылга рус теле һәм әдәбияты укытучысы буларак юллама белән килгән. Әти белән алар биш бала тәрбияләп үстергәннәр. Дүрт кыз да укытучы юлыннан киттеләр. Укытучы булырга укыганнан соң бер ел узгач, бердәнбер энебез яшьтәшләре белән армиягә барырга булды. Михаилның җаваплылык, Ватанга мәхәббәт хисе нык үскән, ул һәрвакыт физик яктан яхшы чыныккан, физкультура һәм спорт белән мавыгган, шуңа күрә мондый сугышчыны хәрби часть җитәкчелеге җибәрергә теләмәгән. Безнең абый Чечняда сугышчан хәрәкәтләрдә катнашты, бүләкләре бар. Беренчеләрдән булып ул үз теләге белән өлешчә мобилизация игълан ителгәч хәрби комиссариатка барды, - дип горурланып сөйләде Татьяна Гусева.

Чит балалар булмый

- Озак еллар әнием балалар бакчасында эшләде. Ул эшкә бик иртә китә иде, мәктәпкәчә учреждениеләр иртәнге 7дән кичке 7гә кадәр эшли бит. Еш кына кич белән безнең өйдәге биш бала янына тагы берничә сабыйлар да кушыла иде. Әйе, әйе, гаҗәпләнмәгез. Балаларын бакчадан алырга «оныткан» әниләр һәм әтиләр еш була торган иде. Әти белән әни шунда беребезне дә аралап тормый ашаттылар, юдылар, йокларга яткырдылар. Бу очракта безнең өйдә һәрвакыт өстәмә диван бар иде. Иң мөһимеәти әнигә булыша. Ул аны шулкадәр аңлый, барыбызга да  кадер-хөрмәт күрсәтә. Чит балалар булмый», – ди торган иде ул. Минем балачагым шулай узды. Ә әниемнең үрнәге булачак һөнәремне сайлауга йогынты ясады, - дип уртаклашты Татьяна Гусева.

Мәктәптән соң Татьяна Яр Чаллы педагогия институтының мәктәпкәчә белем бирү факультетына укырга керә.

- Өченче курсны тәмамлагач, кияүгә чыктым. Бу балалар бакчалары күпләп ябылган еллар иде. Сәбәбе бер - сабыйларның булмавы. 90-нчы еллар үз эшләрен «башкардылар». Валера белән киңәшләшкәч, укуын дәвам итәргә уйладым, әмма башка юнәлештә, нәкъ менә башлангыч сыйныф укытучысы булырга. Бу өч ел уку миңа кирәк булыр дип уйламаган да идем, – диде әңгәмәдәшем.

Мөдир

-Институттан соң дипломлы белгеч булып туган Новотроицк мәктәбенә кайттым һәм 16 ел дәвамында сабыйларны укырга, язарга һәм санарга өйрәттем. Мин башлангыч сыйныф укытучысы эшен бик яраттым. Һәр укучымны хәтерлим... Ләкин җитәкчелек миңа балалар бакчасына җитәкче бик кирәк диде. Менә шулай итеп «Ромашка» мөдире булдым. Балалар бакчасы мәктәптә, шуңа күрә миңа андагы яңалыклар, уңышлар белән уртаклашырга,  туры килде, - дип сагынып  искә ала Татьяна Викторовна.

Шул вакыттан бирле 7 ел үтте. Безнең герой мөдир булгач, бакчага 82 бала йөри. Ә хәзер бакчага көн саен 144 сабый килә . Авыл үсә, үсә, яңа йортлар төзелә, эш урыннары бар, инфраструктура яхшыра. Кешеләр яхшырак яши башлады, киләчәккә перспектива белән карыйлар, хатын-кызлар күп бала табудан курыкмый.

Хәзерге вакытта Новотроицкийда балалар бакчасына чиратта 220 бала бар икән.

– Билгеле булганча, хәзер яңа бина төзелеше тулы көченә бара. Ул федераль бюджет акчасына төзелә. Яңа бакчага 300 бала йөриячәк. Төзүчеләрнең планнары-объектны яңа ел бәйрәменә төгәлләү. Бу минем яшәгән елларымда беренче бакча бинасы, хәзер мәктәпнең бер өлешен билибез. Шуңа күрә бу объект, чыннан да, көтелгән, – дип уртаклашты мөдир шатлыгын.

Бөтен гаилә өчен шатлык

Без бакча җитәкчесе белән бергә балаларны тәрбияләүнең өстенлекләре, балалар бакчасында алып барыла торган түгәрәкләр, тәрбиячеләр белән аерылышуга әзерлек төркеменең һәр баласының исәпли һәм иң гади математика күнекмәләрен белүе, минутына 50 сүз укулары турында озак сөйләштек. Татьяна Викторовна үзләренең дустанә коллективлары, «Ромашка»га йөрүче данлы балалары, ә телевизордан республикабыз Президенты янәшәсендә туганнарын күреп, беренче эш итеп Татьянага шалтыратуын әйтте.

- Бөтен зур гаиләбез өчен рәхмәт, Танечка! Котлыйбыз!

Династияне дәвам итүчеләр бармы? Әлбәттә! Гусев Матвей исемле улы,  Казан федераль университетының өченче курсында укый. Югары уку йортын тәмамлаганнан соң җирле филиалда укытырга планлаштыра.

У к ы т у ч ы л а р династиясе-бу сүзләр ничек горур яңгырый! Алар, барыннан да элек, үз һөнәрләре, укытуны һәм тәрбияләүне сайлаучыларны ярату турында сөйлиләр. Шунысы куанычлы, район һәм республика җитәкчелеге бу гаиләләрне вакытында күрә һәм бүләкли белә. Мондый танылган династияләр күбрәк булсын!