Әлки районы мәктәпләре макулатура җыеп акча эшли

Макулатураны иң күп җыючылар арасында Базарлы Матак мәктәбе һәм гимназия, Юхмачы, Борискино мәктәпләре бар.

Ел башыннан Әлки район мәктәпләре 19262 килограмм макулатура җыеп тапшырганнар.

Моның белән алар 71269 сум акча эшләгән. Макулатураны иң күп җыючылар арасында Базарлы Матак мәктәбе һәм гимназия, Юхмачы, Борискино мәктәпләре бар - һәр укучыга исәпләгәндә 9,5 кг кәгазь җыелган. Түбән Әлки мәктәбе алардан да уздырып, һәр укучысына исәпләгәндә 15 кг макулатура җыеп тапшырган.

Мәктәпләр пластмасса җыю белән дә шөгыльләнә - быел алар 917 кг пластик тапшырганнар инде.