Хөрмәтле социаль хезмәткәрләр!

Заманча җәмгыять-не тирән белемле, яңа социаль технологияләр белән яхшы таныш, тирәнтен кешелеклелек сыйфатлары хас булган белгечләрдән башка күз алдына китерү мөмкин түгел. Социаль хезмәткәр булу ул үзеңә аерым бер тормыш юлын сайлап алу, кирәк булган өчен түгел, җан таләбенә буйсынып ветераннар, инвалидлар, аз тәэмин ителгән гаиләләргә ярдәм кулы сузу, ятим, ата-анасыз калган балаларны кайгырту буенча һәрдаим эш алып бару дигән сүз.
Бик күп тукайлыларның социаль кәефе сезнең һөнәри осталык һәм нәтиҗәле хезмәтегезгә бәйле. Социаль хезмәткәр – ул һөнәр генә түгел, ул тормыш рәвеше. 
Кешеләргә тынычлык, иминлек, киләчәккә ышаныч биргәнегез, авырлыкларны җиңеп чыгарга ярдәм иткәнегез өчен зур рәхмәт. Үзегезгә һәм якыннарыгызга ныклы сәламәтлек, җан җылысы, иминлек һәм сабырлык телим!

Район башлыгы Фаил Камаев.