Калмия, Бикләндә яңа ел яллары күңелле үтә

Яңа ел ялларына карамастан, авыл җирлекләрендә авыл халкы өчен төрле чаралар оештырылып тора. Шуларный берсе, Биклән авылында булып узды. Сабыйлар өчен театральләштерелгән тамашага кунак булып Кыш бабай һәм Кар кызы килделәр. Шулай ук, бәйрәм кичәсендә Биклән урта мәктәбе укучылар үзләренең һөнәрләрен күрсәттеләр. Бәйрәм концерт номерлары, җыр-биюләр белән аралаштырып алып барылды. Бу бәйрәмдә балалар рәхәтләнеп ял иттеләр, - дип, хәбәр итә Биклән авылы китапханәсе мөдире Гөлнара Мирходжаева.

Авылда яшәүче яшьләр тормышын күңелле итү өчен Калмияда бүген дискотека үткәрелә. Кичке 7 дә башланган чарага авыл егеләре-кызлары да, кунакка кайтучылар да җыелды. Алар рәхәтләнеп күңел ачты, биеде. Яшьләрнең актив булуы сөендерә, чөнки алар - авылның киләчәге, дип хәбәр итә Калмия мәдәният йорты директоры Ләйсирә Сәхибҗанова.