Исхаковлар гаиләсе «Ана булу изгелеге» форумында Тукай районы данын яклады

Безнең гаиләбезгә Казан шәһәрендә узган «Ана булу изгелеге» бөтенроссия программасының IV форумында катнашу бәхете эләкте. Әлеге форумда без үзебезнең татар милләтен зур горурлык белән тәкъдим иттек. Килгән кунакларга «Каз өмәсе» бәйрәмен күрсәттек. Татар халкының традицияләре чит төбәкләрдән килгән кунакларда зур кызыксыну уятты. Алар безнең белән рәхәтләнеп татарча көйгә биеделәр, милли уеннарыбызны уйнадылар. Алып барган каз канатларын аларга бүләк итеп тапшырдык. Форумнан бик зур канәгатьләнү белән кайттык, дип хәбәр итә Сәмәкәй авылыннан Альфира Исхакова.

P. S. Үткән форумнан күбрәк фотоларны «Вконтакте» социаль челтәрендәге «Якты юл» («Светлый путь») газетасының рәсми төркеменнән (http://vk.com/club54482574) карый аласыз. Безнең белән калыгыз!