Язгы ташу уяулыкны сорый

Новотроицкое авыл җир ле гендәге Күперле авылында кырлардан төшүче кар сулары ишегалларын һәм авыл урамнарын басты.

Бу хакта авыл кешеләренең берсе менә нәрсә ди: «Йортларыбыздан көч-хәл белән чыга алдык. Минем ихатамда бетон бордюрлар бар иде. Шуларны салдым да, алардан атлап чыктым. Безнең биредә өч ел яшәү дәверендә мондый хәл әле беренче тапкыр гына күзәтелә. Гаражны да әкеренләп су баса башлады. Ләкин көчле су басу безне алда көтәдер дип уйлым».

Үткән шимбәдән бирле авылда язгы ташу белән бәйле хәлне чишү өстендә эшләр алып барыла. Башкарма комитет җитәкчесе Айрат Хәбибуллин урынга чыгып: «Мондый ситуациядә безнең эш итү схемабыз бар. Әлеге вакытта биредә «Благоустройство» ҖЧҖнең махсус техникасы эшли. Ел фасылының һава торышына, язгы ташуга бәйле рәвештә барлык авыл җирлеге башлыкларының, авыл халкының игътибарлы булуларын сорыйбыз», – диде җитәкче.

Әлеге вакытта авылга төшүче суның төп агымын авылдан читкә алып киттеләр. Район башкарма комитеты Күперле авылындагы хәлне контрольдә тота.