Хөрмәтле Бөек Ватан сугышы, тыл ветераннары!

Сезне шәхсән үземнең һәм Татарстан Республикасының хәрби комиссариаты составы исеменнән Бөек Ватан сугышында Җиңүнең 71 еллыгы белән котлыйм, исәнлек-саулык, бәхет телим.

Бөек Ватан сугышы тәмамланды. Ләкин аның кайтавазы әле һаман да йөрәкләрне әрнетә. Дәһшәтле сугыш елларында фашист илбасарларына каршы бәрелешләрдә үзләрен аямыйча сугышып, Җиңү алып кайткан, яу кырларында батырларча һәлак булган, көнне-төнгә ялгап басу-кырларда эшләп, тылда фронт тоткан әби-бабайларыбыз алдында без баш иеп рәхмәт әйтәбез.

Хөрмәтле ветераннарыбыз! Сызлануларга баш бирмичә, Ходай биргән гомерегезне иминлектә узыгыз. Рух ныклыгы, сәламәтлек, бәхетле картлык телибез сезгә.