Гаризаларны 10 сентябрьдән бирә башларга була

Кичә Хөкүмәт йортында үткән видеобрифингта ТР Иҗтимагый палатасы рәисе А.Фомин социаль юнәлештә эшләүче коммерциянеке булмаган оешмаларга финанс ярдәме күрсәтү хакында сөйләде. Дәүләт ярдәменең бер төре - оешмаларның социаль проектлар конкурсларында катнашып грантлар отуы. Мондый проектларны тормышка ашыруга быел Татарстанда 10 млн сум акча бүленгән. Субсидияләр алу өчен конкурста катнашуны сорап язган гаризаларны кабул итү 10 сентябрьдән башланып 14 октябрьгә кадәр дәвам итә. Нәтиҗәләр 2013 елның ноябрендә икенче декадада ясалачак, дип белдерделәр журналистларга.