Дәвамлы ярдәм

admin, 20 май 2020 - 10:40

616

Тукай муниципаль районында «Ярдәм янәшә!» республика акциясенең икенче этабы старт алды.

Бу этапта да керемнәре яшәү минимумыннан түбән булган өлкән яшьтәге ялгыз кешеләргә, аз керемле гаиләләрдә тәрбияләнүче, шулай ук алимент акчасы алмаучы балаларга, социаль яктан имин булмаган гаиләләргә, кризис вакытында зыян күргән үзмәшгульләрнең балаларына азык-төлек җыелмалары таратыла. Тукай районында республика ярдәмен 602 кеше ала. Акциягә, беренче этаптагы кебек үк, Тукай районы да үз өлешен кертүне дәвам итә: ярдәмгә аеруча мохтаҗ инвалид балаларга тарату өчен район хәйрия фонды акчасыннан өстәмә азык-төлек җыелмалары әзерләнә.