Бәткедә дүрт гараж янды

Кичә Бәтке авылының Үзәк урамы 3нче йорты каршында торучы дүрт гараж янды. Әлеге объектлар соңгы вакытта хуҗалык кирәк-яраклары саклау өчен файдаланылган. Гаражлар өстеннән югары көчәнешле электр линияләре үткән. Чыбыклар өзелеп төшеп, кыска ялганыш барлыкка килгән һәм моның янгын чыгуга китергән булуы ихтимал, диләр янгын сүндерүчеләр. Биналарның берсе тулысынча янып бетә, калган өчесенә дә шактый зыян килә. Хуҗаларның берсе белән янгын сүндерүчеләр бөтенләй элемтәгә керә алмый, аның чит өлкәдә яшәгәнлеген генә ачыклыйлар.