Әҗмәкәй: Юл да, яктылыкта

admin, 9 июль 2024 - 13:02

353

Гражданнарның үзара салым акчасына районның торак пунктларындагы юллар ремонтлана, яктырту һәм су белән тәэмин итү мәсьәләләре хәл ителә, зиратлар төзекләндерелә. Республика программасы янәдән үзенең нәтиҗәле булуын раслый.

Күптән түгел Әҗмәкәй авылының Н. Җиһанов урамы яктырып китте – 16 урам фонаре урнаштырылды. Эшне сыйфатлы һәм үзвакытында «Элмон» җәмгыяте хезмәткәрләре б ашкарды. Тиздән а лар Яңа поселогының Үзәк урамындагы яктырту баганаларына лампалар урнаштыруны дәвам итәчәкләр. Бу урамның 800 метр озынлыктагы өлешендә асфальт җәелгән, республика программасы буенча ясалма тигезсезлекләр һәм юл билгеләре урнаштырылган. Хирург Шәкүров һәм Җиңүнең 70 еллыгы урамнарына вак таш түшәләчәк, Әҗмәкәй авылының Подсолнухи и Тынычлык урамнарын каты өслекле юл тоташтырачак. Бу җәйдә Иске Гәрдәле авылында да юл-урам челтәрен төзекләндерү планлаштырыла. Ә Яңа Сарайлы авылында үзара салым программасы буенча суүткәргеч проектлау планлаштырыла. Бу хакта Әҗмәкәй авыл җирлеге башлыгы Гөлнара Хөсәенова хәбәр итте.