Адашкан әбине эзләгәннәр

admin, 18 октябрь 2022 - 11:07

180

Тукай районында яшәүче 83 яшьлек әбине эзләделәр. Ул 14 октябрь кичендә Колыш авылында өйдән чыгып китә һәм югала.

Туганнары полициягә хәбәр итә. Ярты сәгатьтән соң эзләүгә Менделеевск, Алабуга һәм Яр Чаллы шәһәрләреннән отрядлар чыга, аларга волонтерлар да кушыла. Ул төнне туктамый көчле яңгыр ява. Югалган әбине авыл территориясендә генә түгел, тирәюнь урманнарда да эзлиләр. Эзләү төне буе дәвам итә һәм икенче көнне иртәнге 10да гына табып алалар. Әбине туган көнендә табылып өенә кайта. Ул исән-сау була, башы буталып авылдан шактый ерак киткән була.