Интернат-мәктәптә тулы куәтенә ремонт башланды
30 ел һәм аннан да элегрәк төзелгән мәктәпләрне капиталь ремонтлау буенча республика программасына быел безнең районның Кнәз, Күзкәй, Түбән Суыксу урта мәктәпләре һәм Теләнче Тамак тернәкләндерү интернат-мәктәбе керде. Кышкы каникуллар чорында бу мәгариф учреждениеләренең барысында да төзекләндерү башланды. Ремонт эшләренең иң күләмлесе Теләнче Тамак тернәкләндерү интернат-мәктәбе өлешенә туры килә.
