Иммунитетны бергә ныгытабыз

Балаларда һәм яшүсмерләрдә иммун система көн саен формалаша, һәм аны ныгыту катлаулы чараларны түгел, ә даими һәм гади гадәтләрне таләп итә. Шуны истә тотарга кирәк: иммунитетны бер мизгелдә көчәйтә торган «серле дарулар» юк, ә менә дөрес режим, сыйфатлы туклану һәм профилактика чыннан да нәтиҗә бирә.

Иммунитет нык булсын өчен киңәшләр:

• Йокы һәм көн тәртибе. Йокы җитмәү организмның инфекцияләргә каршы торучанлыгын киметә. Кечкенә балаларга озынрак йокы, ә укучыларга һәм яшүсмерләргә — көненә 8–9 сәгать тулы ял кирәк.

• Дөрес туклану. Рационда яшелчә-җимеш, аксымга бай ризыклар (ит, балык, йомырка, кузаклылар), тулы бөртекле ашамлыклар булырга тиеш. Гади су газлы эчемлекләргә караганда файдалырак.

• Хәрәкәт һәм саф һава. Көндәлек йөрүләр һәм уртача физик активлык иммунитетны ныгыта һәм йокыны яхшырта.

• Өйдә уңай микроклимат. Бүлмәләрне даими җилләтү, һаваның дымлылыгын саклау, бигрәк тә җылыту чорында, бик мөһим.

• Гигиена кагыйдәләре. Кулларны еш юу, шәхси сөлгеләр куллану, өйне чиста тоту вируслар таралуын киметә.

• Вакцинация. Календарь буенча ясалган прививкалар — идарә ителә торган инфекцияләрдән ышанычлы саклану чарасы.

• Стрессны киметү һәм гаджетларны чикләү. Даими киеренкелек һәм экран каршында озак утыру йокыга һәм тернәкләнүгә тискәре йогынты ясый.

Көчле иммунитет көндәлек вак гадәтләрдән башлана. Дөрес йокы, актив тормыш рәвеше, баланслы туклану һәм профилактика балаларга салкын тию чорын җиңелрәк узарга ярдәм итә. Сәламәт булыгыз!

Фото һәм мәгълүмат ТР Сәламәтлек саклау министрлыгы сайтыннан алынды