Диспансеризация чирләрне иртә стадиядә ачыкларга һәм вакытында дәваларга ярдәм итә

Диспансеризация нинди чирләрне ачыклый?

Табиблар чирләрне иртә стадиядә ачыклауда һәм вакытында дәвалауда нәкъ менә диспансеризациянең роле зур дип саный. Мондый чирләргә кан әйләнеше системасы авырулары һәм беренче чиратта йөрәк ишемиясе һәм цереброваскуляр авырулар, яман шешләр, шикәр диабеты, үпкә хроник авырулары керә. Үлемнәрнең 75 проценты нәкъ менә шушы чирләр белән бәйле дә. Моннан тыш, диспансеризация кан басымы, холестерин, канда глюкоза күтәрелүне ачыклау максатын күздә тота. Әлеге чара чамадан тыш күләмдә тәмәке тартуны, алкоголь куллануны, дөрес булмаган туклануны, түбән физик активлыкны, гәүдәнең артык массасын һәм симерүне контрольгә алырга мөмкинлек бирә. Шуңа күрә вакытында диспансеризация үтү инвалидлыктан гына түгел, үлемнән дә коткарып кала дигән сүз.

Быел кемнәр диспансеризация үтәргә тиеш?

Диспансеризация өч елга бер мәртәбә уздырыла. Ул 21 яшьтән башлана. 2017 елда 1996, 1993, 1990, 1987, 1984, 1981, 1978, 1975, 1972, 1969, 1966, 1963, 1960, 1957, 1954, 1951, 1948, 1945, 1942, 1939, 1936, 1933, 1930, 1927, 1924, 1921, 1918 елгылар һәм аннан өлкәнрәкләр үтә. 21дән 36 яшькә кадәргеләр кан һәм сидеккә гомуми анализлар; глюкозага, холестеринга кан тапшыралар; карау кабинеты үтәләр; ир-атлар - 36 яшьтән, хатын-кызлар 45 яшьтән электрокардиограмма; 39дан 78 яшькә кадәр - маммография; 45тән 75 яшькә кадәр - яшерен канга тизәк анализы; 51дән 81 яшькә кадәр - простата специфик ферменты (ПСА); 39 яшьтән башлап - күз эче басымы (ВГД), 39дан 57 яшькә кадәр - карау кабинеты (киңрәк тикшерү ысулы) уздырыла.

Кайда мөрәҗәгать итәргә?

Эшләүче кешегә ничек итеп диспансеризация үтәргә соң? Әлеге сорау күпләрне борчый. «Россия Федерациясе гражданнарының сәламәтлеген саклау нигезләре турында»гы РФ Законының (№323, 21.11.2011) 24 маддәсе нигезендә, медицина каравы һәм диспансеризация үткәндә эш бирүчеләр хезмәткәрләрен җибәрергә тиешләр.

Тукай районында яшәүчеләргә, иң беренче эш итеп, үзәк больницаның 158нче кабинетына яки авылдагы фельдшерга килергә кирәк. Диспансеризация ике этапта уза. Эш көнннәреннән тыш, райондашлар һәр айның өченче шимбәсендә, ягъни 16 сентябрь, 21 октябрь, 18 ноябрь, 16 декабрь көннәрендә дә килә алалар. Бу эшләүчеләргә уңайлылык тудыру максатыннан шулай эшләнә.

Беренче этапны узу өчен поликлиникага яки фельдшерлык пунктына иртән, кан анализлары бирү өчен ач карынга килергә кирәк. Шулай ук сидекне дә чиста банкага үзең белән алу кирәк.

Бөерләрне ультратавыш белән тикшерү өчен (УЗИ) сидек куыгы тулы булырга тиеш.

Тизәкне яшерен канга тикшерү 45 яшьтән өлкәнрәкләр өчен кирәк

Аны тапшырыр алдыннан өч көн ит ризыклары, составында тимер булган башка азыклар (алма, яшел суган, татлы болгар борычы, ак фасоль, шпинат), шулай ук каталаз һәм пероксидаза ферментлары булган яшелчәләр (кыяр, керән, төсле кәбестә) ашамау сорала. Тимер катнашкан дарулар (гематоген, аскорбин кислотасы, аспирин, вольтарен, диклофенак, эчне йомшарту препаратлары) куллану ярамый. Болар дөрес булмаган нәтиҗә бирергә мөмкин.

Тизәк һәм сидек салынган савытларда исем-фамилиянең язылган булуы шарт.

Ир-атка диспансеризация алдыннан велосипедта йөрергә ярамый

50 яшьтән өлкәнрәк ир-атлар диспансеризация алдыннан 7-10 көн кала ректаль караудан, простотага массаждан, клизмадан, атта һәм велосипедта йөрүдән, җенси якынлыктан, ректаль шәмнәр белән дәваланудан тыелып торырга тиешләр. Болар мәни бизе яман шешенә анализ биргәндә онкомаркерның дөрес күрсәтмәвенә китерергә мөмкин.

Диспансеризацияне быел кемнәр үтә

Кайсы яшьтә нинди анализ тапшырырга кирәк?