Авылым, кешеләрең синең рубрикасы буенча яңалыклар

• 01 август 2019

  Бер очрашу – үзе бер гомер…

  Жәйнен матур бер кичендә өлкәннәребез белән түгәрәк өстәл янына жыелыштык. Бәйрәм клубнын матур аланында бер беребезнен хәлләрен сорашу, көндәлек тормыш, илебездәге яналыклар турында фикер алышудан башланып китте.

  
• 29 июль 2019

  «Безнең гомер үзе бер әсәр»

  Сәхия апа Исхакованы Татарстан совхозы поселогында белмәүчеләр сирәктер. Узган гасырның туксанынчы елларында ул үзлегеннән дин гыйлеме нигезләрен, Коръән уку серләрен өйрәнгән. Исем кушу, никах, Коръән уку мәҗлесләрендә аның урыны һәрчак түрдә. Хуҗалыкның гына түгел, районның да алдынгы инженер-механигы булып танылган Зәкәрия Баһаветдин улы белән үрнәк гаилә корып, совхозда озак еллар хисапчы булып эшләгән ул. Дингә, рухи тормышка тартылуы бер дә очраклы түгел. Аның кечкенә вакытта алган тәрбиясе, күргән-кичергәннәре үзе бер зур тормыш университеты дияргә мөмкин. 

  
• 28 июль 2019

  Бикләннең «Ак әби»сенә – 95 

  Шушы көннәрдә Бикләндә туып-үсеп, шунда гомер итүче хөрмәтле ветеран Хәсәншина Мәсрүрә Бәгъданур кызы 95 яшен тутырды. Юбилярны күркәм бәйрәме белән район башлыгы Фаил Камаев исеменннән хакимият вәкилләре котлады. Аңа Россия Президенты исеменнән котлау хаты, истәлекле бүләк һәм чәчәк бәйләме тапшырылды. Юбилярны тәбрикләргә шулай ук район инвалидлар оешмасы рәисе Галимҗан Зарипов, авылның ветераннар советы вәкилләре килде.

  
• 15 июль 2019

  Ишегалды тулы тарих

  15-17 июль көннәрендә районда дөньякүләм чара узачак. Бу – Бөтендөнья татар конгрессының «Ак калфак» татар хатын-кызлары оешмасы утырышы. Бирегә илнең төрле төбәкләреннән, чит илләрдән милләттәшләребез җыелачак. Алар Тукай районының үзенчәлекле тарихи урыннары, милли йолаларны, гореф-гадәтләрне саклап яшәүче авыллары белән танышачак. Кунакларны Иштирәк авылында да көтәләр. Биредә алар тарихи мирас туплаган гаҗәеп музейны караячак.

  
• 12 июль 2019

  Мин үземне шигърияттә таптым

  Иҗат – хыял, үз хыялыңны үзең куып җитәргә омтылу. Ә шагыйрәләр күңеле бигрәк тә хыялга, хискә бай була. Тумыштан күңеленә шагыйрьлек уты салынган кеше башкача яши алмый, ул гомер буе шагыйрь булып кала. Биклән авылында яшәп ижат итүче Рәзинә Сәетгәрәева шундыйларның берсе. Бу көннәрдә Рәзинә ханым үзенең күркәм юбилеен билгеләп үтә, тормыш юлына, иҗатына, үткәннәренә тагын бер кат нәтиҗә ясый, киләчәккә планнарын барлый. Рәзинә Габделбәровна – газетабызның да якын дусты, ярдәмчесе, озак вакыт редакциябездә эшләгән кеше.  Без бар коллектив исеменнән хезмәттәшебезне гомер бәйрәме белән тәбриклибез. Иң мөһиме – исәнлек-саулык телибез. Балалар игелеген күреп, аларның бәхетенә куанып яшәсәң иде, Рәзинә апа. «Иҗат иткәндә мин бөтен дөньямны онытам, җиденче кат бәхет күгендә булам», – ди ул үзе. Әйе, гел иҗатта бул, гел бәхет елмайсын, хөрмәтле хезмәттәшебез.

  
• 08 июль 2019

  Матур гаиләнең сере – бер-береңне хөрмәт итүдә

  Гаилә, мәхәббәт һәм тугрылык көне уңаеннан районда иңне-иңгә куеп озак еллар бергә гомер итүче парларны тәбрикләү тантанасы узачак. Мондый хөрмәтләүгә лаек булган гаиләләрнең берсе – Иске Байлар авылыннан Фәнзилә һәм Фирдәүс Хәмәтовлар. Бу гаилә районда тырыш һәм намуслы хезмәт династиясе буларак билгеле. Аларның әти-әнисе дә, әби-бабайлары да, үзләре дә тормышларын авылга багышлаган кешеләр. 

  
• 02 июль 2019

  Сезне яратып, Сергей Тимашев...

  15 ел элек Чечен Республикасында барган хәрби хәрәкәтләр вакытында Комсомолец поселогы егете Сергей Тимашев һәлак була. Һәр елны 26 июньдә, 20 яшьлек егетнең гомере өзелгән көндә, аның әти-әнисе Василий Иванович һәм Илиза Инсафовна яшәгән йортта аның хезмәттәшләре, дуслары, авылдашлары җыела. Сергей Тимашев нинди булган? Нинди хыяллар белән яшәгән? Туганнарына карата нинди мөнәсәбәттә булган? Болар хакында сез Сергейның үз куллары белән язган хатлары буенча әзерләнгән мәкаләдән укып белерсез. 

  
• 01 июль 2019

  Минем нәсел агачым

  Татарстан Республикасында 2019 елның 20 мартыннан 30 апреленә кадәр «Минем шәҗәрәм» генеалогик тикшеренүләр конкурсы үткәрелгән иде. Әлеге конкурсның муниципаль этабында катнашкан эшләр арасында төбәгебез тарихын өйрәнүчеләргә өстәмә мәгълүмат бирә алырдай тирән эчтәлекле материаллар шактый. Ләйсән Хәкимуллина-Собирова тарафыннан башкарылган хезмәт тә әнә шундыйлардан. Аның XVIII гасыр башында Торнаташ авылында гомер иткән Алмакай бабайдан башланып киткән һәм төп ун буыннан торучы нәсел шәҗәрәсенә кагылышлы тарихи язмаларын газета укучыларыбыз игътибарына тәкъдим итәбез.

  
• 29 июнь 2019

  Без биш бала үстек әнкәй белән

  Әниебез Гиная Хафизова 1929 елда Зәй районының зур булмаган Түбән Пәнәче авылында дөньяга килгән. Әнкәй биш кыз баланың дүртенчесе булган. Белгәнебезчә, авыр еллар була ул. Аларның гаиләсе дә кыенлыкларны шактый кичерә. Бер кыз туганы бик кечкенәдән якты дөньядан китә. Авылда салам түбәле өйләр, сарайлар, агач күперләр. Ә яшьлек яшьлек инде ул. Авырлыкларга карамастан, яшьләр кичләрен шул агач күперләрдә уеннар оештыралар. Бер көнне элекке Чаллы районы Мусабай Завод авылыннан озын буйлы, кара чәчле Фаиз исемле егет Түбән Пәнәче авылына туганнарына кунакка килә. Ыспай киенгән, тальян гармунында өздереп уйнаучы егет кичке уенга чыгып, кызларны жырлата, биетә. Менә шул вакытта аның күзе уртача буйлы, чибәр бер кызга – безнең әниебезгә төшә. Араларында мәхәббәт уяна. Озак та үтми, җитез егет тарантаска пар ат җиктереп, кызны үзенә тормыш иптәше итеп, авылына алып кайта.

  
• 28 июнь 2019

  Ярты гасыр трактор руле артында

  Туган авылым Оргыдыга кайткан саен авылымның өлкәннәре белән очрашып, истәлекләрен яңартырга яратам. Без үскәндә, яшь чакларыбызда алар җир җимертеп дөнья көтүче ир-атлар һәм хатын-кызлар иде. Колхозда терлекчелектә эшләделәр, басуда җир сөрделәр, сукаладылар, ашлык җыйдылар.

  
• 25 июнь 2019

  Мин татар, ул керәшен – без бәхетле

  Тукай районында пар канатлы, сикәлтәле гомер юлларыннан матур итеп бергә атлаучы, бер-берсен яратып, хөрмәт итеп яшәүче гаиләләр күп. Шул исәптән милли катнаш никахлар да бар. Аларның үз гаилә тарихлары, үз гореф-гадәтләре, бәхетле яшәү серләре... «Мин татар, ул керәшен. Шөкер, без бергә бик бәхетле», – диләр Иштирәк авылыннан 27 ел бергә иңгә-иң куеп яшәүче Валерий hәм Ләйлә Зайцевлар. Бүген бу үрнәк гаилә безнең өчен үзләренең күркәм тормыш китабын ачты.

  
• 20 июнь 2019

  Ак халатлы фәрештәләр

  Оргыды авылыннан медицина өлкәсендә эшләүчеләрнең саны 30га якын. Шушы көннәрдә алар hөнәри бәйрәмнәрен билгеләп үтте. Кеше сәламәтлеге сагында торучы, гомерләрне саклап калучы табибларны бәйрәм көнне аеруча игътибарга күмәсе килә. Минем язмам ак халатлы фәрештәләргә багышланган.

  
• 17 июнь 2019

  Әфганчы егетнең истәлеге мәңгеләштерелде

  Булды ул илебез тарихына кереп калырлык әфган сугышы. Шуннан халык теленә дә «әфганчылар» дигән атама кереп калды. Таулар илендә кылдан нечкә сугыш юлын узган ир-егетләр безнең районда да бар. Интернациональ бурычларын намус белән үтәгән егетләребезне ил дә, халык та онытмый.

  
• 04 июнь 2019

  Боерган  – «Алла боерган урын»?

  Тиздән милли бәйрәмебез – Сабантуйлар җитә. Нәкъ менә шушы чорда сыйныфташлар очраша, чит җирләрдә яшәгән авылдашлар туган җирләренә бер күрешеп сөйләшер өчен ашкынып кайта. Кунакларны һәрчак авылның яшәеше, көнкүреше кызыксындыра, олыгая барган саен истәлекләр, яшьлек еллары күңелләрдә яңара. Әйдәгез әле, без дә авылларыбыз тарихын барлыйк, кызыклы истәлекләребез белән уртаклашыйк, туган авылларыбыз турында җыр-шигырь, бәетләр белән күңелләрне баетыйк! 

  
• 31 май 2019

  «Көнне төнгә ялгап эшләдек»

  «Татарстан совхозы» поселогында яшәүче Мәгъсүмҗан Багауович Исхаков исеме Тукай районы халкына яхшы таныш. Ул гомерен туган җире белән бәйләгән, авыл хуҗалыгын үстерүгә саллы өлеш керткән, хөрмәткә лаек кеше.