Авылым, кешеләрең синең рубрикасы буенча яңалыклар

• 26 август 2020

  Рухи кыйммәтләр сагында – ярты гасыр!

  «Татар телен яратып өйрәнүче, ана телендә сөйләшүче бала әдәпле дә, инсафлы да. Ул укытучыга хөрмәт белән карый», – ди Новотроицкое мәктәбенең беренче категорияле татар теле укытучысы Кәүсәрия Мәүлиева. Туган тел, мәктәп, укучылар турында аның белән көннәр буе сөйләшеп утырырга булыр иде. Кәүсәрия Җиһангир кызының тәҗрибәсе бик зур – ул инде 50 ел берөзлексез мөгаллимлек итә. 

  
• 23 август 2020

  Туган җанлы апам бар минем!

  Туганлык хисе – дөньядагы иң изге хис. Ул хис – йөрәкләрне тоташтыручы алтын күпер. Ни кызганыч, соңгы елларда кешеләр арасында бу хис сүрелә башлады. Дөнья малы өчен туган белән туган тарткалаша, ызгыша. Менә шул хәлләрне күреп, ишетеп торганнан соң Гәүһәр апамны уйлап, аның гомере буена туган җанлы булуына сөенәм. Бертуган Гәүһәр апам барыбызны да кайгыртып яшәүче, әниебез урынына калган кеше. Балачагымнан ук ярдәмче булды ул. Әтием 34 яшендә сугышта һәлак булды һәм әниебез 36 яшендә тол калды. Тормыш авыр, сугыштан соңгы еллар бит. Апага урман кисү, торф чыгару кебек авыр эшләр башкарырга туры килде. Егерменче яшендә кияүгә чыкты ул. Ире белән шахтерлар шәһәре Гремячинскийда яшәделәр. Анда да ул авыр эшләр башкарды. «Гөлфиябезне укытырга кирәк. Арада беребез булса да укымышлы булсын!» Апа шулай диде. Һәм, ярдәменнән ташламады. Өс-башымны карады, ел саен Сабантуена матур тукымалар алып кайтып бирде, әнкәй шул тукымалардан матур күлмәкләр текте. Мин кияүгә чыкканда Гәүһәр апам сандык тутырып бирнә әзерләде. 

• 22 август 2020

  Яр буенда – кабак, бакчада... карбыз 

  Ерак булса да, туган җиремә еш кайтам. Олы юлда район үзәкләре һәм эреле-ваклы салалар аша үтәргә туры килә. Юлчының эше шул – тирә-юньне күзәтеп кайтасың. Авыллар төзекме, чүплекләре белән сала яме китмәгәнме? Барысы да ярылып ята, яшеллек һәм чәчәкләр белән елмаеп торган урамнарга карап сөенәсең. Кайвакыт, авыл читендәге чүплекләрне, җилдә тузгып яткан пакетларны күреп җан әрни. Бигрәк тә бу хәлләр инеш, елга ярларында булуы белән игътибарны үзенә җәлеп итә. Ә менә безнең район җирлегендәге Малтабар авылында Нәсимә Харрас кызы белән Мирхәт Шәйхулла улы Гобәйдуллиннар хуҗалыгы тирәсеннән агып ятучы инеш ярында – кабак үсә.

  
• 21 август 2020

  Фәрит Гатауллин: «Ышанычны акладым»

  Район басу-кырларында урак кампаниясе тулы куәтенә дәвам итә. Бүген иң югары уңыш «Ирек» җитештерү кооперативында. Һәрбер гектрадан 63 центнер икмәк алалар. Моңа агротехник чараларны төгәл үтәү, югары җитештерүчәнлек, кооперативны тотрыклы үстерү белән ирешелә. 

  
• 16 август 2020

  Тормыш дәвам итә

  «Булганнан бар да була», – ди халык. Гөлсинә Мөҗәһит кызы белән Ярулла Сәлим улы Галиевлар Боерганда – төп нигездә, үз куллары белән мәһабәт йорт салганнар. Өйнең эчке эшләрен Гөлсинә ханым тулысынча үзе башкарган. Кулы бар эшкә дә ятып торган ханым гөлләр, чәчкәләр үстерергә дә яраткан. Өйдәге бүлмәләр санын киметеп залны зурайтырга кирәкме – бернинди проблема да юк. Гөлсинә өчен ике бүлмәне бер итеп зур гына кунак бүлмәсе ясау да хәл ителмәслек эш булмаган. Йорт – яшәү өчен уңайлы һәм җаның-тәнең белән ял итәрлек матур да булсын дип, картиналар чигеп, өен зәвык белән бизәгән.

  
• 16 август 2020

  Әтиебез нигезе чакыра

  Исән булса, Элҗен көнне (Ильин день) – 2 августта әтиебез Илья Масловка 100 яшь тулган булыр иде. Без балалары, оныклары аны ел саен искә алып, шушы көнне төп йортка җыелабыз. Бу традиция инде гаиләбездә күп еллар саклана. Быел да матур гадәтебездән читкә тайпылмыйча, туган авылыбыз Бордыга – әти-әни нигезенә кайттык. Һәр елдагыча, беренче эш итеп, зиратка бардык, әти-әниләрне, туганнарны искә алдык.

  
• 15 август 2020

  Ни арада картлык килде?!

  Боерган авыл җирлегендә матур тормыш юлы узып, бүген 90 яшен тутыручы өлкәннәребез байтак. Июль аенда Колыш авылыннан Фаянур Ханнанова, Таулар авылыннан Мәгърифә Таҗетдинова, Боерганнан Тәгъзимә Әхмәтоваларны олуг юбилейлары белән котладык. Аларга Россия Президентының котлау открыткасы тапшырылды, истәлеккә бүләкләр бирелде. 

• 13 август 2020

  «Авылыбызның докторы – Гөлназ» 

  Гөлназ Гыйльфанова фельдшер булса да, колышлылар аның хакында шулай ди. Фельдшер шушы авылда эшләсен өчен алар кулларыннан килгәннең барысын да эшли. Үткән ел, авыл халкы 1964-65 елларда башлангыч мәктәп бинасына тоташтырып төзелгән фельдшер-акушерлык пунктын ремонтлауны үз өстенә ала. Үз теләкләре белән акча җыеп электр җылыткыч, радиатор куялар, идәннәрен яңарталар. Рөстәм Абзалов ФАП бинасының какшаган нигезен төзекләндерә. Ремонт эшләрен оештыру һәм башкарып чыгуда Илшат Зәйдиев зур тырышлык куя. «Игезәкләр Илфат белән Илшат Зәйдиевләр, авыру булуларына карамастан, авыл сулышы белән яшиләр, бик актив һәм позитив егетләр», – ди Гөлназ Әгъзәмнур кызы Гыйльфанова. 

  
• 09 август 2020

  Безнең Сәмигулла абый

  Безнең Оргыды авылында хөрмәткә лаек кешеләр күп. Элеккеге «Ленар» колхозында гомер буе тырышып хезмәт куйган авылдашларыбызның исемнәре мактауга лаек. Алар турында район газетасында да язып торам. Бүгенге язмам исә Сәмигулла абый Шәмсетдин улы Рахмангулов турында.

• 07 август 2020

  Мәдәният бездән башлана

  Яңа Бүләк авылы мәдәният йорты директоры Дилбәр Гыймазетдинова ТР мәдәният министрлыгы үткәргән бәйгедә катнашып, «Иң яхшы мәдәният учреждениесе хезмәткәре» исеменә һәм грантка лаек булды. 

  
• 28 июль 2020

  Сәгыйдулла карт оныклары

  ...Сәгыйдулла карт бик иртә уянды. Бүген тырмага чыгалар, иртәрәк барып, атларны ашатырга, эчертергә кирәк. Карчыгына олы улы Хөҗҗәтне уятырга кушты. Улы көне буе ат белән җир тырмалап, бик соң гына кайтып ятты. Иртәгә дә кара таңнан торып тагын тырмага чыгасы, бигрәк авыр, бөтен тәннең җегәрен ала, хәлдән таеп кайтып егыласың. Тургайлар моңын тыңлап, иксез-чиксез басу кырлардагы эштән туктап, эскерт төбендәге саламга ятып, ял итеп алган чакларда ул уйларга бирелә иде... Берәр ничек бу авыр хезмәтне җиңеләйтеп булмас микән?..

  
• 25 июль 2020

  Алты балага гомер биргән Ана

  Боерган авыл китапханәсе ТАССРның 100 еллыгы, Бөек Җиңүнең 75 еллыгы кысаларында «Тыл батырлары» дигән акция уздырган иде. Анда тыл хезмәтчәннәре фидакарь хезмәтләре турында сөйләнде. Сугыш чоры кешеләренең уртак кичерешләре күп, әмма һәркемнең үз язмышы. Геройларның берсе – Фәүзия Габдрахман кызы Сәлимова. 

  
• 19 июль 2020

  Сынаулы юл

  Әлфия Хафиз кызы Шәмсетдинова 1932 елда Минзәлә районы Колыш авылында дөньяга килә. Ятимлек ачысын сабый чагыннан татырга туры килә аңа – сигез яшендә әтисез кала. Әтисенең җәсәден алып чыгып китүләре бүген дә күз алдында. Озакламый Бөек Ватан сугышы башлана. Абыйсы фронтка китә, ике апасы кияүгә чыга. Әлфия әнисенең төп таянычы була. Газизә апа кызын үз үрнәгендә тәрбияли – һәр эшкә кулы ятып тора кызның. Әбисе, әнисе һәм Әлфия бер-берсенә терәк-таяныч булып яшиләр. Кыз 12-13 яшеннән өлкәннәр белән бергә колхоз эшенә йөри. Аннары 15 яшьлек яшүсмерне иптәш кызлары белән Удмуртиядәге Пилга урманына эшкә җибәрәләр. Анда чиләнә-чиләнә эшләп кайтуга Себергә урман кисәргә баручы кызлар исемлегенә теркәп куйганнар. Өскә кием-салым, аякка кияргә аяк киеме юк вакытлар. Нишләсен, капчыктан – халат, юкә мунчаласыннан чабата ясарга өйрәнә. Ниһаять, көтеп алган көн җитә – ярты ел эшләгәннәрне өйләренә кайтаралар. Авыр хезмәтләренә күрә алган акчаларына 12 кило шикәр, 9 такта чәй сатып ала. 

  
• 19 июль 2020

  Ике кодагыйга – 190 яшь!

  Авылыңда ак әбекәйләр булу үзе бәхет. Чәчләренә энҗе сибелеп, маңгайларына тирән буразналар салынса да, алар шундый сөйкемле. Безнең Бикләнебездә дә бар андый хөрмәткә лаеклы затлар. Сугышын да, ачлыгын да күргән бу өлкән буын сикәлтәле озын гомер юлы үтеп тә күңел көрлеген, йөз аклыгын югалтмаган. 

  
• 17 июль 2020

  Ак халатлы Фирая

  Сүзем Тукай районы үзәк дәваханәсенең лаборатория бүлегендә эшләүче Фирая Вәкил кызы Сарманаева турында. Тумышы белән ул Иске Абдул кызы. Укуны тәмамлагач, аны ак хыяллары медицина училищесына алып килә. Кешеләргә яхшылык эшләргә, ярдәм кулы сузарга кирәк дигән уй аның күңелендә әнә шул вакытта ук урын ала.