Авылым, кешеләрең синең рубрикасы буенча яңалыклар

• 28 ноябрь 2020

  «Ашыгыч ярдәм»

  «Якты юл» газетасының күптәнге дусты ул. Редакциягә еш керә. Редакциядән килеп алу шарты белән авылдашларын газетага яздыра да, һәр яңа санны басылып чыккан көнендә үк хуҗаларына алып кайтып та бирә. Сүзем Теләнче Тамак авылында яшәүче Рөстәм Хәйдәр улы Әгъләметдинов турында. 

  
• 23 ноябрь 2020

  Лаеклы тормыш юлы 

  Шушы көннәрдә Калмия авылында яшәүче Рабига Шәмсетдин кызы Гарипованы олы бәйрәме – 80 яшьлек юбилее белән котладык. 

  
• 15 ноябрь 2020

  Йөз яшә, Александр Николаевич!

  Бүгенге язмам Сосновый Бор поселогында гомер итүче хезмәт ветераны Александр Николаевич Волков турында. Хезмәт юлын «Татарстан» совхозы, Сосновый Бор поселокларын үстерүгә багышлаган якташыбыз ул. Шушы көннәрдә Александр Николаевич 80 яшьлек олы юбилеен билгеләп үтә. 

  
• 09 ноябрь 2020

  Кырык еллык укытучы хезмәте

  1966 елның ак карга төренгән декабрь ае. Үрәчәле чанага мул итеп салам түшәгән, толып белән калын шәл салган кучер Минзәлә педагогия училищесының база мәктәбе саналган Иске Абдул мәктәбенә өч айлык практикага алып китә Клара Хөсәенованы. Авыл матур. Коллектив әйбәт каршы ала. Еллар үткәч, ветеран укытучы Халисә Гарипова районнарының «Якты юл» газетасына менә ничек язып чыгачак ул көннәрне: «Математика буенча практика узарга җибәрелгән Клара Тимер кызын минем класска беркеттеләр. Тыйнак, чибәр кыз кыска гына вакыт эчендә үзенең тырышлыгын, осталыгын күрсәтеп өлгерде. Укуын тәмамлагач та безнең мәктәпне сайлады. Бүген инде ул олыны олы, кечене кече итә белүче, укучыларның да, укытучыларның да әнисе ролендәге мәктәп директоры!..»

  
• 07 ноябрь 2020

  Паспорты бар – рәхәте булырмы?

  Мәләкәстә йорт-җирсез калган ике ир-ат вагонда яшәп көн күрәләр. Фәкать җитмеш яшендә паспортлы булган Мөдәрис һәм аннан күпкә яшь Павел төрле сәбәпләр аркасында гаиләсез, йортсыз-җирсез калганнар. 

  
• 06 ноябрь 2020

  Бәхетне күрә белергә кирәк

  «Әни Тәкермәндә туып-үскән, мәдәният хезмәткәре булып эшләгән. Әтине, инвалид булу сәбәпле, сугышка алмаганнар. Аны Тәкермәнгә укытырга җибәрәләр. Ул оста итеп скрипкада уйный белгән. Әти белән әни авылның мәдәни тормышын алып барганнар. Бер-берсен ошатып, гаилә төзегәннәр. Язмыштан узмыш юк, диләр бит, парлы тормыш озакка бармый – әти яшьли үлеп китә, әни дүрт бала белән тол кала. Сугыштан соңгы авыр еллар. Бик укыйсы килә иде дә бит, җиде класс белән калырга туры килде», – дип сөйли Иске Байлар авылында гомер итүче Рафил Авзалов. 

  
• 02 ноябрь 2020

  Хезмәткә әйләнгән мавыгу

  Бәхетле буласың килсә, мавыгуыңны эшеңә әйләндер, диләр. «Бриз» ширкәте бакчачысы Рамил Фәсхетдинов турында да шулай дияргә була. Эчке эшләр министрлыгының элеккеге офицеры, үзен эшкә алучы табылмагач, сатарга ниятләп, биредә бер ташландык урынны үзенә ала. Шушы уе мавыктыргыч шөгыльгә әверелер дип һич уйламый ул. Экологик чиста азык продуктлары сатуның кызыклы гына түгел, төшемле дә булачагын башына да китерми. Ләкин аңа кадәр озын һәм авыр юл үтәсе әле.

  
• 01 ноябрь 2020

  Авылыбызның маягы иде

  «Наил белән бергә уйнап үстек. Авылыбызда күмәк башкара торган эш-мәшәкатьләрне ерып чыгуда да, рухи яктан да калканыбыз иде ул. Үзен күрсәтергә яратмады. Ничек булгандыр, зиратны чистартканда миңа кул изәп, елмаеп фотога төште. Күз алдымда шул көләч йөзе. Без туганнар сыман булдык. Авыл җирлеге башлыгы буларак та, гаилә дусты буларак та, Иштирәк халкы өчен, туган җире өчен җан атып яшәгән кешене югалту бик авыр булды. Яшь көе фаҗигале төстә гомере өзелгән Наилне авыл халкы теленнән төшерми. Аны соңгы юлга озатырга бөтен авыл халкы, Түбән Камадан һәм Яр Чаллыдан мөселманнар бик күп килде. Авылыбызның маягы сүнмәде – варислары да нәкъ әтиләре төсле», – ди Иштирәк авыл җирлеге башлыгы Гөлнара Гарифуллина фаҗигале рәвештә якты дөньядан киткән Наил Хәмидуллин турында. 

  
• 30 октябрь 2020

  Һәр туар таң – олы бәхет

  Районда күркәм гаиләләр күп. Аларны күреп күңел сөенә. Бу көннәрдә без 45 ел пар канатлар булып, бер-берсен кайгыртып, яратып, шатлыкларын да, кайгыларын да уртаклашып гомер кичерүче шундый бер гаилә белән таныштык. Алар – Яңа поселогында яшәүче Люция һәм Таһир Солтановлар. 

  
• 27 октябрь 2020

  Тарихка кергән якташыбыз

  Татарстан автономияле совет социалистик республикасы оешуның 100 еллыгын билгеләп үтәбез. Аның тарихында безнең төбәктән чыккан шәхесләрнең дә лаеклы урыны бар. Аларның исемнәре барланырга, сакланырга тиеш. Бүгенге язмабыз яшь совет республикасында балалар һәм яшьләр хәрәкәтен кузгатуда башлап йөргән һәм туган иленә гомере буе тугры хезмәт иткән якташларыбызның берсе Әхмәтзөфәр Кормашев турында.

  
• 26 октябрь 2020

  Табигать баласы

  Аларның йорт алды шәһәрдәге ял паркының бер почмагын хәтерләтә. Калмашлылар арасында аңа сокланып та, гаҗәпләнеп тә үтүчеләр бардыр. Арыган күңелгә дәрт, талчыккан бәдәнгә дәрман өстәп, бер мәлгә булса да тормыш мәшәкатен оныттырырдай бу манзарага битараф калучылар юктыр, мөгаен. Табигый матурлык җанга да, тәнгә дә дәва бит ул. 

  
• 23 октябрь 2020

  Авылымны яраттым

  Альбомны алып, элеккеге фотоларымны карыйм. Ә алардан балачагым, матур кыз чагым карап тора. И, Асия, укысаң шагыйрь булыр идең, дип әйтә кебек. Ә бит мин авылдан китә алмадым. Авылымны яраттым. Әнием мине 47 яшендә тапкан. Башым авыртса баш очымда, аягым авыртса аяк очында булырсың дип үстердем, беркая да җибәрмим, диде ул миңа. Сигезенче классны бетерү белән сыер саварга фермага төштем, малларны яраткангадыр инде, хезмәтемне дә яратып, булсын дип башкардым.

  
• 22 октябрь 2020

  Үз эшенә бирелгән 

  Бу язмам безнең авылдашыбыз, уңган-булган хатын-кыз, ышанычлы тормыш юлдашы, сөйкемле әни, әби Әлфия Шәйхрази кызы Портнова турында. Шушы көннәрдә ул үзенең 50 яшьлек юбилеен билгеләп үтте. Ире Владимир Михайлович белән алар ике бала үстерделәр, бүген өч оныкларының яраткан әбиләре һәм бабайлары. 

  
• 20 октябрь 2020

  Авылны Фәнис кебекләр яшәтә

  Әңгәмәдәшем – «Ярыш» хуҗалыгының алдынгы механизаторы Фәнис Шәмсиев бик тыйнак егет булып чыкты. Керә-керүгә үк: «Журналистларның гадәтен беләм мин, берүк артыгын яза күрмәгез. Йөккә бер җигелгәч, авыр дип тә тормыйсың, көчеңнән килгәнчә эшлисең инде ул. Тракторга утыраммы, комбайн штурвалы артындамы, мин дөньямны, вакыт агышын онытам», – дип каршы алды ул.

  
• 19 октябрь 2020

  Яхшы яктан танылган

  Авыл җирендә гомер итүче кешедә уңганлык сыйфаты булу – иң мөһим таләпләрнең берсе. Гәрчә, кул хезмәте инде еракта калды, дияргә яратсак та, җир кешесенең эше кимемәде. Хәзер авыл хуҗалыгында хезмәт куючы механизаторлар акыллы техника белән идарә итә алучы квалификацияле белгеч булырга тиеш. Шуңа да саллы хуҗалыкларда һәм агрокомплексларда эшкә яшьләрне җәлеп итүнең төрле ысулларын кулланалар.