Ясалма фәһем ярдәмендә Муса Җәлилгә багышланган видеоконкурс игълан ителде
Ясалма фәһем кулланып, Муса Җәлилгә багышланган видеоролик әзерләргә теләүчеләр өчен иҗади конкурс старт алды. Бәйгене «Питер.Татар» порталы һәм Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге оештыра.
Ясалма фәһем кулланып, Муса Җәлилгә багышланган видеоролик әзерләп, иҗади конкурста катнашырга мөмкин. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге хәбәр итә.
Бәйгене Санкт-Петербург һәм Ленинград өлкәсе татарларының «Питер.Татар» порталы Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге белән берлектә оештыра.
Конкурс җиңүчеләре вәкиллек тарафыннан дипломнар һәм истәлекле бүләкләр, шулай ук «Питер.Татар» порталыннан акчалата призлар белән бүләкләнәчәк:
1 нче урын – 5000 сум,
2 нче урын – 3000 сум,
3 нче урын – 2000 сум.
Моннан тыш, җиңүчеләр турында порталда аерым мәкалә дә басылып чыгачак.
Видеороликларны 20 февральгә кадәр piter.tatar@yandex.ru электрон почтасына юлларга кирәк. Конкурс нәтиҗәләре 2026 елның 23 февралендә игълан ителәчәк.
Чыганак: https://vatantat.ru/news/musa-alilga-bagyslangan-baige-igielan-itelde-112193
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев