Халык җырлары фестивале

Күптән түгел "КамАЗ" мәдәният сараенда халык һөнәр осталарының һәм кәсепчеләрнең "Онытылмас традицияләр" дип аталган V Бөтенроссия фестивале узды.

Идел буе төбәге һәм сәүдә-җитештерү палатасы оештырган бу чарада беренче мәртәбә безнең район һәвәскәрләре дә катнашты. Биклән авылыннан килгән "Хәтфә", Кнәз авыл җирлегенең "Русский звон", Кече Шилнәдән "Сударушка" фольклор ансамбльләренең чыгышы тамашачыларда һәм килгән кунакларда зур тәэсир калдырды. Фестиваль ахырында алар һәрберсе истәлекле бүләкләр һәм дипломнар белән бүләкләнделәр.