Салкын суда помидор тозлау

Өстенә кайнар су коймагач, файдалы матдәләр күбрәк саклана.

1 кг помидор, 30 г укроп, 2 чия, 2 карлыган, 3 лавр яфрагы, 1,5 литр су, 1 аш кашыгы тулыр-тулмас коры гәрчич, 2,5 аш кашыгы шикәр комы, 6-7 түгәрәк кара борыч, 1,5 аш кашыгы тоз.

Артык өлгермәгән помидорлар алабыз, юабыз һәм коры банкага тутырабыз. Помидорлар белән аралаштырып, яфраклар салабыз.

Помидорның өстен тишеп, сарымсак куярга да мөмкин. Суга тоз, шикәр комы, борыч салып, кайнатып чыгарабыз, аннары гәрчичне салып эретәбез. Су суынып беткәч кенә банкадагы помидор өстенә коябыз. Капрон капкач белән каплыйбыз һәм 1 көн салкынча урында тотабыз. Аннары суыткычка яки базга куярга кирәк.