Гранат ярдәм итәр

- Кан басымы югары булганда, йокларга ятар алдыннан гранат суына бал һәм су (1:1:1) кушып эчегез.

Гранат төшләрен ташламагыз, ә киптереп (мичтә киптерергә дә ярый), онча хәленә килгәнче төегез һәм ризыкка кушыгыз. Гранат ончасы микроблар белән көрәшергә ярдәм итә һәм ашыйсы килү теләген арттыра.

- Аның эчке бүлгеләрен киптереп, авыруларга бәйле тайпылышлар булганда, күңел төшенкелегенә бирелгәндә, үзеңне һәрвакыт арыгандай хис иткәндә кулланалар. Бер чеметем чималны бер стакан кайнаган суда төнәтегез һәм көн дәвамында эчегез.

- Тире пешсә, зыян килгән урынны юешләтегез дә ярага гранат кабыгы ончасын сибегез. Ул йогыштан сакланырга ярдәм итә һәм яраның тизрәк төзәлүенә китерә.

- Тавык күзе күзәтелгәндә, көнгә 100әр мл гранат суы эчегез. Ул матдәләр алмашын яхшыртырга һәм күз тукымаларын тукландырырга ярдәм итә, күз ясмыгы тоныклануын булдырмый. Әмма гранат суы кайбер очракларда зыянлы: аны эч кипкәндә, әчелек югары булган ашказаны ялкынсынуы, тоз утыру авыруы күзәтелгәндә эчәргә ярамый.

Игътибарга: гранат суын әз-әз йотып яисә көпшә аша эчегез. Теш элпәсенә зыян килмәсен өчен, гранат суын эчкәннән соң авызны гади су белән чайкау яхшы.

Фото findmeals.com сайтыннан.