Чәчәк бәйләмнәре ямь өсти

1 Кечкенәрәк түгәрәк чәчәк бәйләмнәрен тәбәнәк вазаларда өстәл өстенә, ә аска карап, салынып торучы чәчәкләрне шкаф өстенә яки киштәгә куялар.

2 Озын сабаклы зур чәчәк бәйләмнәрен идәндәге вазага куярга киңәш ителә.

3 Берьяклы чәчәк бәйләмнәрен стена янына, почмактагы шүрлеккә урнаштыралар.

4 Биек ваза өчен озын сабаклы чәчәкләрне сайлыйлар. Тар муенлы биек вазада кайбер чәчәкләре салынып торучы бәйләмнәр матур булып күренәчәк.

5 Вазадан чыгып торучы чәчәкләр аннан 1,5-2 тапкыр биегрәк булырга тиешләр.

6 Тәбәнәк вазалар өчен барлык чәчәкләр дә диярлек туры килә.

7 Чәчәкләрне төрле ысуллар ярдәмендә беркетәләр. Тәбәнәк вазаларда - җеп яки тимерчыбык ярдәмендә бәйләнгән мүкле нигез, чынаяк челтәр, махсус болытча, ә биекләрендә уралма тимерчыбык, агач терәкләр, вак күзле челтәрләр кулланалар.

8 Тәбәнәк вазаларда чәчәк чагылышы күренеп торырлык итеп су өслегенең бер өлешен ачык калдырыгыз.

9 Бер төр чәчәкләргә шул төрдәге яфракларны гына кушыгыз.

10 Чәчәкләрне вазага таратып утырталар. Бәйләмнең үзенчәлеген һәм зурлыгын билгеләп, чәчәкләрне иң кечкенәсе уртачасының 3/4е биеклегендә, ә уртачасының озынлыгы иң зурысының 3/4е биеклегендә булырлык итеп сайлыйлар.

11 Зуррак һәм караңгырак төстәге чәчәкләрне вазаның аскы өлешенә туры китереп урнаштыралар.

12 Бүгенге көндә вазаларны пыяла, металл, агач, керамика, фарфор, пластик, бамбук кебек материаллардан ясыйлар. Формалары озынча, турыпочмаклы, цилиндр, касә, кувшин, горшок кебек булырга мөмкин.

Кайбер кагыйдәләрне истә тотып, иҗади хыялларыгызга да ирек бирегез. Чәчәк бәйләмнәре сезнең күңелегезне күтәреп, өегезгә ямь өстәп торсын.