Бәрәңге һәм алмалы тавык

Кирәк: 10-12 тавык боты, 10 бәрәңге, 2 суган, 2-3 әче алма, 2 тырнак сарымсак, тоз, борыч, аджика, бал, майонез, тәмләткечләр, үсемлек мае.

Маринад ясау өчен изелгән сарымсакка аджика, бал, майонез, тәмләткечләр кушарга. Тавык ботларын юарга, корытырга, тоз, борыч сибәргә һәм маринад сыларга. Суганны турарга. Бәрәңгене кисәкләп турарга, тоз, борыч сибәргә, үсемлек мае өстәргә, суган салып болгатырга. Алманың үзәген, орлыкларын алып, эре телемләп турарга. Табага бәрәңге салырга, өстенә тавык ботларын һәм алма телемнәрен тезәргә. Өстен фольга белән каплап, кызу духовкада 20 минут пешерергә. Аннан фольгасын ачып, 40 минут духовкада тотарга.

Фото suharekawine.com сайтыннан.