Мөгаллимә булып туган
Мөгаллим-мөгаллимә – бик җаваплы вазыйфаны үз өстенә алган һөнәр иясе. Кешелекнең рухи үсеше, алгарышы укытучының үз эшен ни рәвешле башкаруына нык бәйле. Укытучы – балага, ата-аналарга өлге булырга тиешле шәхес. Безнең районда андый педагоглар бар. Комсомолец поселогы мәктәбендә рус теле һәм әдәбияты фәненнән балаларга белем бирүче – «ТРның атказанган укытучысы» Фәридә Фәрит кызы Кузнецова хакында: «Мөгаллимә булып туган!» диләр.
