Тукайлылар Яңа ел бәйрәменә әзерләнә
Яңа елга әле шактый вакыт калып барса да, бу бәйрәмгә алдан әзерләнүчеләр аз түгел. Кемдер бәяләр артканчы яки вакыты җиткәч йөгереп йөрмим әле дип кибетләрдән бәйрәм табынына азык-төлеген, йорт эченә уенчык-мазарын, ясалма чыршысын алып куя. Икенчеләр исә, түзмәс җаннар, беренче кар яву белән өен бизәргә тотына. Ә менә өченчеләре Яңа елда көтелә торган кечкенә «каникуллар»ны оештыру белән шәгыльләнә: авылдагылар – шәһәргә, шәһәрдәгеләр авылларга кунакка кайтырга уйлый.
