Супер КВН, яки Тукайлылар булдырды!
Тукай районы, кайсы гына яктан карама, уникаль, кабатланмас төбәк. Хезмәттә дә, мәдәнияттә дә, спортта да тукайлылар сынатмый. Авылларында креатив, алдынгы карашлы кешеләр яши. Бигрәк тә яшьләр заман белән бергә атлыйлар, туган телләрен дә, йолаларны да онытмыйлар, беләләр. Кыюлар, тәвәккәлләр, оялып тормыйлар... «Энергетик» мәдәният сараенда район КВН командаларының финал уены чыгышларын караганнан соң, соклану, гаҗәпләнү хисләре күңелдә бик озак вакытлар сүрелмәде. Булдырды егетләр һәм кызлар! Финалга үткән җиде команданың чыгышларын Александр Масляков үзе күрсә, «Афәрин!» дияр иде, мөгаен.
