Рәхмәт, Заһидә, кыюлыгың өчен!
Өлкәннәр декадасы кысаларында без яңа сәхифә ачтык. «Яшьлегемә эндәшәм...» дип атала ул. Яшьлегегездән нинди матур хатирәләр күңелегезгә уелып калган? Бүген, озын тормыш юлы үтеп, гомерегезнең әлеге гүзәл чорларына ни дип эндәшер идегез? Үкенечләр булдымы? Яшьлеккә кабат кайтып булса, нинди сукмактан китәр, нәрсә үзгәртер идегез? Хөрмәтле газета укучыларыбыз, рубрика дәвам итә. Әйдәгез, хәтерне яңартыйк, күңел хисләрен актарыйк, сезнең язмыш башкаларга да кызыклы булыр, бәлки кемдер гыйбрәт алыр, кемдер сокланыр. Сездән хатлар көтәбез!
