Яшьлекне озынайтыйм дисәң...
Бер яшьлектә, бер картлыкта, дияр идең, Гөлнур ханым өлкән яшьтәге кешегә охшамаган. Яшь кызлардай зифа буй-сынына һәм җитезлегенә карап аңа һич кенә дә җитмеш бер яшь биреп булмый. Гәүдә ыспайлыгын, физик сәламәтлеген кайгырту белән беррәттән рухи тормышын баету, ачык зиһенгә ия булып олыгаюны максат иткән Гөлнур Фәхразый кызы Шәвәлиева (Ситдыйкова) яхшы ниятен тормышка ашыру өчен сәламәт яшәү рәвеше алып бара.
