3 июнь 2020 яңалыклары

• 03 июнь 2020

  Кайсы җирлек чистарак?

  Республика территория-сендә, шул исәптән Тукай районында, 1 апрельдән 31 майга кадәр санитар-экологик икеайлык узды. Аның кысаларында авыл җирлекләре алдына урамнарны гына түгел, зиратларны, юл буйларын, чишмә тирәләрен чүп-чардан арындыру бурычы куелган иде. Әйтергә кирәк, авылларда күп эш башкарылды, урамнар чистарып, урман полосалары, юл читләре чүптән арынып, инеш буйлары сафланып калды. 

  
• 03 июнь 2020

  Бер көндә ике һәлакәт

  Бәхетсезлек очраклары 31 май көнне теркәлә. Көндезге сәгать 1 тулганда Яр Чаллы – Нефтебаза юлында «ВАЗ-21140» автомобиле руле артына утырган 30 яшьлек ир-ат, каршы юнәлештәге полосаның чиста булуында инанмаган килеш, алдагы машинаны узарга чыга һәм «Киа Спортдедж» һәм «Ханда Фит» автомобильләре белән бәрелешә. 

  
• 03 июнь 2020

  Сәләтле яшь тукайлыларны барладык

  Балаларны яклау көне алдыннан гына «Якты юл» («Светлый путь») газетасы социаль челтәрләрдәге төркемнәрендә «Сәләтле яшь тукайлы» дигән бәйге игълан итте. Теләге булган балалар Инстаграм yakti_ul һәм svetlyj_put, шулай ук ВКонтакте челтәрләрендә yakti_ul һәм svetliput үзләренең җыр-биюгә, нәфис сүзгә осталыкларын күрсәттеләр. Бәйгенең шарты буенча, җиңүчеләр чыгышларга куелган лайклар санына карап билгеләнде. 

• 03 июнь 2020

  Балалар акча алды

  Пенсия фонды бүлеге хәбәр иткәнчә, Тукай районында 1 июнь көнне 3 яшьтән 16 яшькә кадәрге 4200 бала унар мең сум түләүләрне алган.

• 03 июнь 2020

  Тапшырулар өзелеп тора

  «Россия теле һәм радиотапшырулар челтәре»нең 2020 елга билгеләгән ремонт эшләре графигы нигезендә, Яр Чаллыдагы радиотелеүзәктә профилактика эшләре алып барыла.

• 03 июнь 2020

  Госпиталь эшли башлады

  Тукай районы үзәк дәва-ханәсе 1 июньнән коронавируслы авырулар госпитале буларак эшли башлады. Бирегә уртача авыр хәлдәге пациентлар салына.