Көзге салкыннарга бирешмик
Көзге салкыннар – инфекцияле вирусларның активлашкан чоры. Организмы ныклы, иммунитеты көчле булмаган кеше чирләргә бик тиз бирешә. Температурасы күтәрелә, хәлсезлек барлыкка килә, буыннары, башы авырта башлый. Табиблар 38,5 градуска кадәр температураны дару белән төшермәскә тәкъдим итә. Шулай иткәндә сез терелүне тизәйтәчәксез генә, диләр. Мондый вакытта сыеклык эчәргә кирәк. Ә инде тән температурасы күтәрелүен дәвам итә икән, мәҗбүри рәвештә табибка мөрәҗәгать итү шарт. Салкын тиюдән ничек сакланырга, өзлегүләр булмасын өчен нишләргә? Үз киңәшләрен район үзәк дәваханәсе фельдшеры Зөлфия Нигъмәтуллина бирә.
