13 октябрь 2019 яңалыклары

• 13 октябрь 2019

  Чисталык үзебезгә кирәк

  Халыкара өлкәннәр көнен үзенчәлекле итеп билгеләп үтәргә булдык. Без, Күзкәй авылының бер төркем ветераннары, менә ничә ел инде скандинавларча йөрү белән шөгыльләнәбез. Сукмагыбыз авыл кырыеннан башлана. Сул якта урман полосасы, ә уңда «Ярыш» хуҗалыгының ап-ак итеп агартылган, яңартылган ферма биналары тезелеп киткән. Көзен монда рәт-рәт булып терлекләргә кышка әзерләнгән печән, салам рулоннары тезелеп китте. Муллык, бөтенлек күңелне сөендерә. Көн саен таңнан хуҗалыкның козлятник үләне басуы аша салынган юлдан Минзәлә районыннан аерып торучы елга буена барганда мондагы хозурлыкка сокланабыз. Тик юл буена ташлап калдырылган чүп-чар, төрле эчемлекләрдән бушаган савытлар, полиэтилен пакет кисәкләре шушы матурлыкның төсен җибәрә.

• 13 октябрь 2019

  Гармуны кулларында... 

  Наил Заhретдинов җиде яшендә күршесе Нәҗип абыйдан тальян гармунда «Умырзая» көен уйнарга өйрәнгәч, көтү көтеп, үзенә хромка гармуны сатып ала. Авылда гармунчылар аз булу сәбәпле, Наилне кечкенәдән авыл клубында узган төрле чараларга йөртәләр.

• 13 октябрь 2019

  Атлар – горурлыгыбыз!

  «Ярыш» хуҗалыгы атлары республикакүләм бәйгеләрдә бер-бер артлы җиңүләр яулый. Шушы көннәрдә генә Лениногорск районында узган «Аударыш» ТР чемпионатында безнең малкайлар тагын җиңеп кайтты. Мәртәбәле ярышта районның татар токымлы өч аты чемпион булды. Спортчы атлар, аларны җиңүләргә әзерләүнең нечкәлекләре турында хәбәрчебез белешеп кайтты.

  
• 13 октябрь 2019

  Әниеңә газета бүләк ит!

  Тиздән иң матур бәйрәмнәребезнең берсе – Әниләр көне якынлаша. Әниләребез – безнең иң газиз, иң кадерле кешеләребез. Инсафлы да, шәфкатьле дә, миһербанлы да, ярдәмчел дә, фәрештәдәй изге күңелле дә. Әниләребез булганда көннәр кояшлы, дөньялар түгәрәк, күңелләр канатлы, җаннарыбыз тыныч, табыннарыбыз аларның йөрәк җылысын кушып пешергән тәмле ризыкларыннан сыгылып тора.

• 13 октябрь 2019

  Бәйрәмебез котлы булсын!

  Хөрмәтле авыл хуҗалыгы һәм эшкәртү сәнәгате хезмәтчәннәре, тармак ветераннары! Барыгызны да һөнәри бәйрәмебез белән ихлас тәбрик итеп, иң изге теләкләремне җиткерәм. 

• 13 октябрь 2019

  Бәйрәм белән сезне, илне туендыручылар! 

  Хөрмәтле авыл хуҗалыгы һәм эшкәртү сәнәгате хезмәткәрләре, тармак ветераннары! Барыгызны да чын күңелдән һөнәри бәйрәмегез – Авыл хуҗалыгы һәм эшкәртү сәнәгате хезмәткәрләре көне белән котлыйм.