Ярминкәдә иң тәмле, чиста казлар – үлән, эремчек, бодай ашап, авылның чиста суында коенып үскән кошлар кемнеке?
Ял көннәрендә Чаллыда каз ярминкәләре гөрләде. Бүген мин дә, каз алырга исәбем булмаса да, аякларга җылы киез итекләр киеп, чыгып карарга булдым. Азатлык мәйданына рәт-рәт өстәлләр тезелгән, сату палаткалары да юк түгел иде. Казларның бер килограммына 350 сум сорыйлар, симезрәкләре 400 сумнан да китә, үрдәкләр 300-320, индоуткалар 320-350, күркәләр 300,...