Терлекчелек комплексларын тикшерделәр

Бу атнада районның авыл хуҗалыгы һәм азык-төлек идарәсе белгечләре терлекчелек комплексларын йөреп чыктылар. "Гигант", "Алмаз", "Ярыш" һәм башка хуҗалыклардагы комплексларның торышын, терлекләрнең шартларда асралуына, рационга игътибар зур булды. "Бүгенге көндә республикада сөт савымын күтәрү көнүзәк мәсьәләләрнең берсе. Сөт күләме артсын өчен һәммәсе дә мөһим: азык та, терлекне асрау шартлары да. Бу яктан йөреп чыккан хуҗалыкларның барысында да шартлар канәгатъләндерерлек", - диде идарәнең җитештерү-маркетинг бүлегенең терлекчелек буенча консультанты Ирина Гарипова.