Яшәү көче
Чаллы шәhәренең «Чишмә» Халыклар дуслыгы йортында авылдашым, шагыйрә Кәүсәрия апа Ямалиеваның «Яшәү көче» дип исемләнгән китабын тәкъдим итү кичәсе булды. Кичәдә хөрмәтле кунаклар- ТР атказанган мәдәният хезмәткәре, шәhәрнең мактаулы гражданины Гөлзада Рзаева, Халык артисты, язучы, режиссер Булат Сәлахов, ТР атказанган мәдәният хезмәткәре , шагыйрә Зөләйха Минhаҗева, ТР атказанган мәдәният хезмәткәре, Муса Җәлил исемендәге Үзәк шәhәр китапханәсенең баш китапханәчесе Роза Хәмидуллина h.б. мәдәният-сәнгать әheлләре, җырчылар, китап сөючеләр, Кәүсәрия апаның дуслары, иҗатташлары катнашты. Әлеге чарага “Ләйсән” әдәби берләшмә әгъзалары да килгән иде. Бергәләп сәхнәгә чыгып, алар үзләренең изге теләкләрен Кәүсәрия апага җиткерделәр, бүләкләрен бирделәр.
