Күзкәйдә Ураза гаете уңаеннан балалар өчен дини бәйрәм үтте
Дөресен әйтим, бу бәйрәмгә бераз икеләнебрәк барган идем: авылда балалар күп түгел, янәсе, алары да әле дини йолаларыбыз белән хәбәрдар микән? Бәйгеләрне балалар күңелен яуларлык, мавыктырырлык итеп оештыра алырлармы? Куанычка каршы, шикләнүләрем урынсыз булып чыкты. Беренчедән, мәйдан бик матур итеп бизәлгән, бер читтә кунаклар өчен, тәмле исләр чыгарып, пылау пешеп утыра. Балаларга сикереп уйнар өчен батутлар корып мәш киләләр, балаларны утыртып әйләнергә квадроцикллар, матур итеп бизәлгән ат көтеп тора. Кыскасы, беренче минутларыннан ук бәйрәм мохите күңелләрне яулады һәм чара искиткеч оешкан төстә, бер сулышта барды – авылның Сабан туе мәйданы балаларның көр тавышларыннан гөр килеп торды.
Якты юл
