Лариса Васильева автор яңалыклары

• 21 гыйнвар 2022

  Качмануда чистарындык 

  19 январьда православие динендәге райондашлар Качману бәйрәмен билгеләп үтте. 18 январьдан 19ына каршы төндә чиркәүләрдә гыйбадәт кылу һәм суны изгеләндерү йолалары башкарылды. Төнге 12 тулгач Качману коенулары башланып китте. Бәкедә суга коенып чыгу бик күп гөнаһлардан арындыра, күңелне чистарта, күп төрле чирләрдән дәвалый дигән ышану яши. Район территориясендә дүрт купель эшләде. Купельләр Белоус поселогында, Борды, Мәләкәс һәм Новотроицкое авылларында урнаштырылды. 

  
• 17 август 2021

  Яшьләр эчеп руль артына утыра

  Республика территориясендә, шул исәптән Тукай районы юлларында да, эчкән килеш руль артына утыру очраклары кимеми. Исерек килеш машина йөртү аркасында чыккан һәлакәтләр дә күп. Юл хәрәкәте иминлеген саклау инспекторлары эчү дигән афәткә каршы журналистлар белән бергәләп көрәшергә карар иттеләр. Хәзер хокук бозган машина йөртүчеләрне хөкем итү процессында журналистлар да катнаша. Кагыйдә үтәмәгәннәрнең фотолары, шулай итеп, газета битләрендә, социаль челтәрләрдә дә урын ала.

  
• 10 июнь 2021

  Иң төзек җирлекләр билгеләнде

  1 апрельдән 31 майга кадәр дәвам иткән санитар чистарту, яшелләндерү һәм төзекләндерү икеайлыгы төгәлләнде. Авыл җирлекләре территорияләрендә бу чорда нинди эшләр башкарылган? Икеайлыкка нәтиҗә ясау буенча район хакимиятендә махсус комиссия оешты. Дүшәмбе көнне комиссия әгъзалары һәм авыл җирлекләре башлыклары барлык авыл җирлекләрендә булып, эшләнгән эшләргә бәя бирде.  Комиссия әгъзалары стелаларның, урам эчендәге һәм авылга керү юлларының торышын, юл кырыйларында, капка төпләрендә, социаль объектлар территориясендә үләннәрнең чабылган булуын, һәйкәл яннарын, чишмә тирәләрен, Сабантуй урыннарының әзерлеген, зиратларның торышын карау максатын куйды. 

  
• 01 июнь 2021

  Бала иминлеге өлкәннәр кулында

  «Яңа поселогында 15әр яшьлек ике үсмер мопед белән юл-транспорт һәлакәтенә очраганнан соң районда бик күп ата-аналар балаларының мопед-мотоциклларын сата башладылар. Без бит шулай, фаҗига булганнан соң гына җитди уйлана башлыйбыз. Югыйсә, балаларны саклау – иң мөһим мәсьәлә. Ата-ана бу турыда бер генә мизгелгә дә исеннән чыгарырга тиеш түгел», – ди район Эчке эшләр бүлегенең ЮХИДИ башлыгы Шамил Ганиев. 1 июнь – балаларны яклау көне алдыннан без балаларның юлдагы иминлеге мәсьәләсенә кабат әйләнеп кайттык һәм Шамил Мирсәет улына берничә сорау бирдек. Май ахыры, июнь башы мәктәп укучыларының җәйге каникуллары башланган чор да. Бу көннәрдә юллардагы куркынычсызлык мәсьәләсе аерата актуаль. 

  
• 01 апрель 2021

  Район фермерлары башкалада

  Район фермерлары Казанда республикада фермер хәрәкәте оешуның 30 еллыгына багышланган тантаналы чарада катнашты. Анда район фермерлар ассоциациясе башлыгы Минталип Миңнеханов, аның кызы – «Бердәмлек» кулланучылар кооперативы рәисе Лилия Гайфуллина, «Ханов Р.Х.» КФХ җитәкчесе Ренат Ханов, аның кызы – «Мусабай» авыл хуҗалыгы кооперативы рәисе Айгөл Ханова чакырылган иде. 

  
• 19 декабрь 2020

  Нәтиҗәле ел

  Районның авыл хуҗалыгы хезмәтчәннәре елны нинди нәтиҗәләр белән тәмамлый? Тармак бүген нинди үзгәрешләр кичерә? Нинди уңышлар бар? Хәл итәсе иң мөһим проблемалар нинди? Район авыл хуҗалыгы һәм азык-төлек идарәсе башлыгы Рәшит Хәбетдинов белән әңгәмә шул хакта. 

  
• 12 декабрь 2020

  Салым түләүчегә – блендер

  Иштирәк авыл җирлегендә халыкның салым түләвен тизләтү өчен үзенчәлекле һәм нәтиҗәле ысул уйлап тапканнар. Җирлекнең башкарма комитетында эшләүчеләр салым түләүчеләр арасында призлар уйнатырга булганнар.

  
• 19 ноябрь 2020

  Террорчылыкка юл куймыйк 

  Октябрь ахырында Татарстанның Кукмара районында террорчылык белән бәйле очрак булган иде. Анда 16 яшьлек яшүсмер: «Мин сезне үтерәм!» – дип, Эчке эшләр бүлегенә килә һәм ике шешә янучан матдә ыргыта. Кулындагы пычагы белән үзен кулга алырга җыенган полиция хезмәткәрләренә ташлана, берсен яралый. Ахырда үсмерне атып үтерәләр. Мондый очраклардан саклану өчен бу категория гражданнарны һәрдаим контрольдә тоту мәҗбүри, дип басым ясалды террорчылыкка һәм экстремистлыкка каршы район комиссиясенең чираттан тыш утырышында.

• 23 октябрь 2020

  Фаил Камаев:  «Мин ышанам – Сез булдырачаксыз!»

  Тукай районы советының чираттагы утырышында депутатлар район башкарма комитеты җитәкчесен сайладылар. Конкурс комиссиясе әлеге вазифага ике кандидатураны тәкъдим итте. Алар – моңа кадәр район башкарма комитеты җитәкчесенең беренче урынбасары булып эшләгән, башкарма комитет җитәкчесе вазифаларын башкарган Айрат Хәбибуллин һәм район башкарма комитеты җитәкчесенең төзелеш һәм яшәешне тәэмин итү буенча урынбасары Рафаэль Игътисамов.

  
• 02 сентябрь 2020

  Республика көне – безнең бәйрәм

  Район быел да Республика көнен Яңа Троицкий авылындагы ял паркында бәйрәм итте. Чара ике мәйданчыкта барды. Беренчесендә бәйрәмнең рәсми өлеше үтте, икенче мәйданда халык рәхәтләнеп ретро-җырлар тыңлады, уеннарда катнашты, күңел ачты. Һәр елдагыча, чәчәкләр композицияләренә конкурс уздырылды, беренче сыйныфка баручы балаларга «Мәктәпкә җыенырга ярдәм ит!» акциясе кысаларында портфельләр тапшырылды һәм тагын күп төрле бүләкләү, хөрмәтләү чаралары уздырылды. 

  
• 12 июль 2020

  Питрау – бәйрәм генә түгел...

  12 июль – Питрау көне. Җәйнең нәкъ кыл уртасы. Питрау үтте – җәй үтте, дип тә әйтәләр. Шулай ук Питраудан соң кошлар сайравыннан туктый, диләр. Сынап караучылар бардыр – бу чыннан да шулай, нәкъ төнге сәгать 12дә кошлар тып-тын кала. Табигатьнең бер могҗизасыдыр бу, мөгаен. Бу көнне тереклек һәм үсемлекләр дөньясында үзгәреш чоры башлана. Питрауда җыеп киптерелгән кыр чәчәкләре барлык авырулардан файдалы, бу көнне әзерләнгән мунча себеркесе аерата шифалы, диләр. 

  
• 28 февраль 2020

  Сәхнәдә – өлкәннәр

  Узган шимбәдә районның үзешчән ветераннары Борды авылы мәдәният йортына «Балкыш» сәнгать фестиваленең гала-концертына җыелды. Тамашачы игътибарына барлык авыл җирлекләреннән 33 концерт номеры тәкъдим ителде. Өлкәннәр коллективлар белән дә, аерым солистлар буларак та сәхнәгә чыкты. 

  
• 07 февраль 2020

  Сәхнәдә – алдынгылар

  2019 ел нәтиҗәләре буенча алдынгыларны хөрмәтләү слетында 300дән артык райондашыбызга сәхнәгә чакырып, мактау грамоталары, рәхмәт хатлары, акчалата бүләкләр, күчмә кубоклар тапшырдылар. 

  
• 05 февраль 2020

  Сезнең хезмәт алдында баш иябез

  Районда хезмәт алдынгыларын зурладылар, 2019 елда төрле тармакларда югары нәтиҗәләргә ирешкән иң яхшы һөнәр ияләрен хөрмәтләделәр. Инде икенче ел рәттән шулай зурлап үткәрелә торган слетка һәр тармактан, предприятие-оешмалардан, авыл җирлекләреннән җитәкчеләр, алдынгы хезмәткәрләр, район үсешенә ныклы нигез салган ветераннар, республика һәм бөтенроссия конкурсларында җиңүчеләр чакырылды. Алар мактау грамоталарына, рәхмәт хатларына, акчалата бүләкләргә лаек булды.

  
• 25 декабрь 2019

  Күз курка, кул эшли

  «Гигант» совхозы элек-электән республикада беренчеләр рәтендә баручы алдынгы хуҗалыкларның берсе булды. Совхозның атаклы җитәкчесе Нәҗип Зыятдиновтан соң, 2000 елларда, аны авыл хуҗалыгы тармагында зур осталык чарлаган белгеч Риф Имамовка ышанып тапшырдылар. «Колхоз-совхозлар системасы таркалган, инвесторлар үтеп кергән шактый кыен чорлар иде ул», – дип искә ала бүген Риф Хәнифович. Ләкин дилбегәне үз кулыңа алгансың икән, сынатырга ярамый, холкы андый түгел. Совхозны таркатырга бирми, шуның белән Яңа поселогын да саклап калуга да үз өлешен кертә ул. «Гигант» бүген дә авыл хуҗалыгы продукциясе җитештерү буенча республикада лидерлар рәтендә. РФнең һәм ТРның атказанган авыл хуҗалыгы хезмәткәре Риф Имамовның республика җитәкчелеге алдында да абруе зур, аны беләләр, аннан киңәш сорыйлар.