Автор автор яңалыклары

• 14 ноябрь 2020

  «Сударушка»га – 45!

  1975 елда Кече Шилнә авылында фольклор ансамбле оеша. Беренче үзешчәннәр сыер савучылар була, ә репетицияләр терлекчелек фермасының «кызыл почмагы»нда үтә.

  
• 13 ноябрь 2020

  Гөнаһсызга хөкем ителгәннәр

  Күзкәй авылы китапханәсендә репрессия корбаннарын искә алуга багышланган чара үткәрдек. Зыян күргән, корбан булганнар арасында безнең авылдашларыбыз да шактый булган. Алдынгы карашлы, эшкә булган, тырыш кешеләрнең йорт-җирләрен талап, үзләрен Себер якларына сөргенгә җибәргәннәр. Алар бер гөнаһсызга хөкем ителгәннәр.

  
• 13 ноябрь 2020

  Без төрле, әмма без бергә 

  Князево авыл җирлегендә һәр ел саен Халыклар бердәмлеге көне зурлап билгеләп үтелә. Чөнки биредә 20ләп төр милләт вәкиле дус һәм тату гомер кичерә.

  
• 09 ноябрь 2020

  Кырык еллык укытучы хезмәте

  1966 елның ак карга төренгән декабрь ае. Үрәчәле чанага мул итеп салам түшәгән, толып белән калын шәл салган кучер Минзәлә педагогия училищесының база мәктәбе саналган Иске Абдул мәктәбенә өч айлык практикага алып китә Клара Хөсәенованы. Авыл матур. Коллектив әйбәт каршы ала. Еллар үткәч, ветеран укытучы Халисә Гарипова районнарының «Якты юл» газетасына менә ничек язып чыгачак ул көннәрне: «Математика буенча практика узарга җибәрелгән Клара Тимер кызын минем класска беркеттеләр. Тыйнак, чибәр кыз кыска гына вакыт эчендә үзенең тырышлыгын, осталыгын күрсәтеп өлгерде. Укуын тәмамлагач та безнең мәктәпне сайлады. Бүген инде ул олыны олы, кечене кече итә белүче, укучыларның да, укытучыларның да әнисе ролендәге мәктәп директоры!..»

  
• 02 ноябрь 2020

  Җаныбыз да, йокыбыз да тыныч

  Мин 1984 елның 25 январеннан бирле Калмаш авылының Зөфәр Галиев урамындагы 22нче йортында яшим. Биредә яшәүчеләрнең күбесе миннән алда килеп урнашкан кешеләр. Шул вакыттан бирле йортыбызда капиталь ремонт ясалганы булмады. Яңгыр яуса, түбәдән шаулап су акты. Торак-коммуналь хуҗалыгы оешмасы да берни эшли алмады. Хәтерлим, 2018 елның 9 августы көнне бик көчле яңгыр булып, бөтен йортны, подъездны су басты. Шушы көннән соң мин түбәне яптыру артыннан йөри башладым. Кайларга гына язмадым икән. Телевидение дә чакырттым, тик үзгәреш булмады. 2019 елда авыл җыенында бу хакта сөйләдем, аннан соң да кызыксынучы, килеп караучы күренмәде. 2020 елның февраль аенда Тукай районы башлыгы Фаил Камаев безнең авыл халкы белән очрашуга килде. Мин аңа хәлне аңлатып, гозеребезне җиткердем. Ул ничек тә йортның түбәсен ябарга кирәклеге турында фикерен әйтте. 

• 02 ноябрь 2020

  Хезмәткә әйләнгән мавыгу

  Бәхетле буласың килсә, мавыгуыңны эшеңә әйләндер, диләр. «Бриз» ширкәте бакчачысы Рамил Фәсхетдинов турында да шулай дияргә була. Эчке эшләр министрлыгының элеккеге офицеры, үзен эшкә алучы табылмагач, сатарга ниятләп, биредә бер ташландык урынны үзенә ала. Шушы уе мавыктыргыч шөгыльгә әверелер дип һич уйламый ул. Экологик чиста азык продуктлары сатуның кызыклы гына түгел, төшемле дә булачагын башына да китерми. Ләкин аңа кадәр озын һәм авыр юл үтәсе әле.

  
• 30 октябрь 2020

  Икмәк бар нәрсәдән өстен

  Бөтендөнья икмәк көненә багышлап, Князево авыл җирлеге мәдәният хезмәткәрләре «Икмәк бар нәрсәдән өстен» дип аталган хәйрия акциясе уздырдылар.

  
• 30 октябрь 2020

  Бер гаилә кебек яшәдек

  Балачак, үсмерчак, яшь вакытларны кем генә сагынмый икән ул? Шул чакларны юксынып Оргыдыга кайтам. Анда, ерактан гына минем балачагым  йөгереп килеп чыгар сыман. Алай булмасын да беләм, күңелем белән кайтам яшьлегемә. Ул елларда Оргыдыда бала-чага бик күп иде. Йорт саен алты-җиде бала үсте. Ялларда авыл клубы шыгрым тулы кеше булыр иде. Совет армиясенә хезмәткә киткәнче авылда эшләп, әткәй-әнкәйнең уң кулы булып яшәдем. Аннары, күпләр кебек, гигант төзелешкә – Яр Чаллыга киттем. 

• 30 октябрь 2020

  Балачакны сагынам

  Өченче класста укыганда ук әнием токмач кисәргә өйрәтте. Озак итеп басканнан соң, камырны җәеп куйгач бераз кипшендереп алсаң кисәргә җайлы була дип әйтә иде. Пычакны бераз кыеклап киссәң, токмач нәзек була. Нәзек токмачны ашавы да күңелле. Беренче тапкырында токмачларым алай бик нәзек булмады инде. Шулай да әнием мактап күңелемне үсендерде. Әгәр дә мактамаган булса, бәлки эшкә дәртемне сүндергән булыр иде. Баланы бераз мактау да кирәк. «Эшләгәнең минем өчен булса, өйрәнүең үзең өчен» дип әйтергә яратты ул. Ипи басарга да әни өйрәтте. Мәктәпкә барганда ипи пешеп өлгермәгән булса, сумкама көлчә салып куя иде. Ул көлчәнең тәмлелеге! 

• 29 октябрь 2020

  Балалар бакчасы – сәламәтлек мәйданы

  Мусабай-Завод авылының «Кояшкай» балалар бакчасында «Балалар бакчасы – сәламәтлек мәйданы» дигән социаль әһәмияткә ия проект гамәлгә ашырыла. Аның асылы балаларның физик активлыгын арттыру, савыктыру, сәламәтлекләрен ныгытудан гыйбарәт. Шул максатлар өчен бакчабызда комплекслы спорт мәйданчыгы оештырылды. 

  
• 28 октябрь 2020

  Куркыныч җинаятьчене «каптырганнар»?!

  Шундый әйтем бар – «Кеше кешегә дус һәм туган». Бу чынлап та шулай булды. Өлкәннәр хәтерлидер: авылда һәркем күршеләренең, авылдашларының игътибарын тоеп яшәде. Кич җитсә, гөрләшеп сөйләшеп утырулар, көнбагыш ярып көлә-көлә яңалык алмашулар нинди күңелле булган. Шул чорны күреп үсүебез белән без бәхетле.

• 27 октябрь 2020

  Тарихка кергән якташыбыз

  Татарстан автономияле совет социалистик республикасы оешуның 100 еллыгын билгеләп үтәбез. Аның тарихында безнең төбәктән чыккан шәхесләрнең дә лаеклы урыны бар. Аларның исемнәре барланырга, сакланырга тиеш. Бүгенге язмабыз яшь совет республикасында балалар һәм яшьләр хәрәкәтен кузгатуда башлап йөргән һәм туган иленә гомере буе тугры хезмәт иткән якташларыбызның берсе Әхмәтзөфәр Кормашев турында.

  
• 23 октябрь 2020

  Кабак бәйрәме

  Күзкәй мәдәният йортында бик матур очрашу үтте. «Әллүки» халык фольклор ансамбле үзешчәннәре көзге муллыкка багышланган кичәгә җыелды. Ул һәр бакчаның «патшасы» кабакка багышланган иде.

  
• 23 октябрь 2020

  Авылымны яраттым

  Альбомны алып, элеккеге фотоларымны карыйм. Ә алардан балачагым, матур кыз чагым карап тора. И, Асия, укысаң шагыйрь булыр идең, дип әйтә кебек. Ә бит мин авылдан китә алмадым. Авылымны яраттым. Әнием мине 47 яшендә тапкан. Башым авыртса баш очымда, аягым авыртса аяк очында булырсың дип үстердем, беркая да җибәрмим, диде ул миңа. Сигезенче классны бетерү белән сыер саварга фермага төштем, малларны яраткангадыр инде, хезмәтемне дә яратып, булсын дип башкардым.

  
• 22 октябрь 2020

  Үз эшенә бирелгән 

  Бу язмам безнең авылдашыбыз, уңган-булган хатын-кыз, ышанычлы тормыш юлдашы, сөйкемле әни, әби Әлфия Шәйхрази кызы Портнова турында. Шушы көннәрдә ул үзенең 50 яшьлек юбилеен билгеләп үтте. Ире Владимир Михайлович белән алар ике бала үстерделәр, бүген өч оныкларының яраткан әбиләре һәм бабайлары.