Автор автор яңалыклары

• 25 ноябрь 2019

  Моңга төрелеп яши күңелләрдә

  Шагыйрьнең туган авылы Күзкәйгә – ул укыган мәктәп укучылары белән очрашуга Татарстанның атказанган сәнгать эшлеклесе, Гаяз Исхакый, Һади Атласый исемендәге премияләр иясе, танылган язучы, шагыйрь, публицист Айдар Хәлим һәм Татарстанның атказанган сәнгать эшлеклесе, прозаик, «Мәгариф өлкәсендәге казанышлары өчен» медале лауреаты, Фатих Хөсни, Дамир Сираҗиев исемендәге премияләр иясе, драматург Рәдиф Сәгъди килде.

  
• 24 ноябрь 2019

  Тәэсирле очрашу

  Районыбыз шагыйре Фәннүр Сафинны искә алу чарасы безнең Биклән урта мәктәбендә дә узды. Бәхетебезгә, безгә Татарстанның халык язучысы, тел язмышына тирән игътибар бирүче шәхес Рабит Батуллин килде. Ул һәрдаим эзләнүдә һәм табышта булган гаҗәеп кызыклы, зыялы кеше, романнар, повестьлар, хикәяләр, пьесалар, мәзәкләр авторы. Рабит аганың тынгысыз хезмәте югары бәяләнгән. Аңа «Татарстанның атказанган сәнгать эшлеклесе» дигән мактаулы исем бирелгән. Әдәбият өлкәсендә ирешкән уңышлары һәм иҗтимагый эшчәнлеге өчен ул Гаяз Исхакый исемендәге һәм Татарстан Республикасының Габдулла Тукай исемендәге премияләргә лаек булган.

  
• 18 ноябрь 2019

  Илһам абыйны юксыну нәрсәгә әверелде?..

  Илһам абыйның якты дөньядан безне ташлап китүенә әле бер ел да үтәргә өлгермәде, аны юксыну тойгысы җанымны бимазалый башлады. Әйе, халкы белән гомерлеккә хушлашуыннан соң көчәйгәннән-көчәя генә барды ул сары сагыш, ачы үкенеч... Әйтерсең лә, тормыш агышы туктап калды: кышның аклыгын күрмәдем, язның ямен сизмәдем, җылысына сөенмәдем, инде көзгә керәбез... Карлы юллардан кыңгыраулы атларның җилдереп узулары Илһам тавышы тоемында тагын да дәртлерәк яңгырый иде шул.

  
• 15 ноябрь 2019

  Бәхеткә юллар урау

  Авылдашыбыз Миннероза Шәйхеләхмәт кызы Нәҗметдинова үзенең 80 яшьлек юбилеен каршы алды. Шәп нараттан уллары төзеп биргән иркен, якты, җылы өенә барлык балалары, оныклары, туган-тумачалар, күршеләр, авылдашлар, дус-ишләр җыелды. Ә түрдә балкып, әле дә чибәрлеген җуймаган якты йөзле, тәмле телле Миннероза апа кунакларны изге теләкләре, тирән рәхмәт сүзләре белән каршы алды. Ялгызы дүрт бала тәрбияләп үстергән, барысын да туйлар ясап башлы-күзле иткән ананың әйтер сүзләре бик күп.

  
• 13 ноябрь 2019

  Авыл өчен әбиләр борчыла

  Районның авыл җирлекләрендә үзара салым программасында катнашуга бәйле җыеннар дәвам итә. Инде халык очрашулары 35 авылда үтте. Чираттагылары Боерган авыл җирлегенең Колыш hәм Калмия авыл җирлегенең Малтабар авылларында узды.

  
• 10 ноябрь 2019

  Нәзере башына төште...

  Алма бик иртә кияүгә чыкты. Моңа аның әнисе дә каршы төшмәде. Кызын берьялгызы үстергәнгәме, аның тизрәк бәхетле булуын теләде. Шулай итеп яңа тормыш башланды... 

• 10 ноябрь 2019

  «Әллүки»дә Көз бәйрәме

  Биклән авылының «Әллүки» балалар бакчасында Көз бәйрәме үтте. Бәйрәм тантанасы уза торган залның үзендә үк, әйтерсең лә, алтын көз хөкем сөрә. Агачлардан шыбыр-шыбыр яфрак коелгандай тылсымлы, серле мохит. Үзеңне көзге урманда кебек хис итәсең.

• 09 ноябрь 2019

  Бездә дә Хеллоуин

  Хеллоуин безнең илгә хас булмаган бәйрәм булса да, балалар арасында аның белән кызыксынучылар бар. Шуны истә тотып, Теләнче Тамак авыл китапханәсендә Хеллоуин бәйрәмен үткәрергә булдык.

• 09 ноябрь 2019

  Урынымнан нигә тормадым?

  Бер көнне Чаллыга килдем.

• 06 ноябрь 2019

  Күңел матурлыгы

  Мин гомер-гомергә кул осталарының иҗат эшләренә кызыктым. Андый эшләр күргәзмәләрдә дә зур урын ала. Мондый матурлыкка беркем дә битараф кала алмый, чөнки эшләнмәләргә күңел җылысы салынган. Кулымнан килгәнчә мин ул әйберләрне сатып алырга тырышам. Менә әле күптән түгел генә коллекциямне тагын баеттым: бакыр чыбыкларны үреп, сәйлән бөртекләре белән ясалган агачлар сатып алдым. Берсе – ямь-яшел яфраклысы «акча китерә торган» агач икән, ә алтынсу сары яфраклысы – «алтын көз» агачы. Көн саен аларга багып, үземә ниндидер көч алгандай булам, бу матурлыкны тудырган кешеләрнең күңел җылысын тоям.

  
• 02 ноябрь 2019

  Авылыбыз яшәячәк әле

  Тукай районы Таулы Дөреш авылы революциягә кадәрге чыганакларда Кече Дөреш дип тә искә алына. 1870 елгы мәгълүматларга караганда, авылда мәчет, мәктәп, 2 су тегермәне эшли. 1920 елга кадәр Уфа губернасының Минзәлә өязе Язикәү волостена караган. 1920 елдан ТАССРның Минзәлә, 1922 дән Чаллы кантонына керә. 1930 елның 10 августыннан Чаллы, 1935 елның 10 февраленнән – Ворошилов, 1957нең 29 ноябреннән – Яңа Юл, 1959ның 12 октябреннән – Сарман, 1984нең 4 июненнән Тукай районына карый. 

  
• 02 ноябрь 2019

  «Уйчан, хыялый, шаян Рәшит Бәшәр»

  Теләнче Тамак авыл китапханәсендә балалар язучысы Рәшит Бәшәр белән очрашу узды. Рәшит Бәшәр – татар шагыйре, Татарстан Язучылар берлегенең Абдулла Алиш исемендәге бүләк лауреаты, Татарстан Язучылар берлеге әгъзасы, Сажидә Сөләйманова премиясе лауреаты.

  
• 02 ноябрь 2019

  Бабайлар батырлыгы

  Илебез күп сынаулар узган. Гражданнар сугышы, Бөек Ватан сугышы, ачлык-ялангачлык, илне торгызу дистәләгән миллион гомерләрне алып киткән. Шушы коточкыч вакыйгалар рәтендә сәяси репрессияләр дә бар. Без илебезне үстерү өчен көчләрен дә, хәтта гомерләрен кызганмаган әби-бабайларыбыз белән горурланабыз. Репрессия корбаннарын искә алу көне – нигезсез рәвештә җинаятьчеләр дип табылган, төзәтү-хезмәт лагерьларындагы коточкыч шартларга җибәрелгән, сөргенгә сөрелгән, шунда гомерләре өзелгән әби-бабайларны искә төшерү көне.

  
• 01 ноябрь 2019

  Гаепсездән гаеплеләр

  Октябрь азагында репрессия корбаннарын искә алабыз. Калмия мәдәният йортында репрессия корбаннарының балаларының өйләренә барып хәлләрен белү традициягә кергән иде. Бүген бер Хәтимә әби Мәүлиева гына исән-сау. Быел ул да үзен начар хис иткәч, аның янына да бара алмадык.

  
• 01 ноябрь 2019

  Калмиядә – бәрәңге бәйрәме

  Калмия авылы китапханәчесе Энҗе Галиәхмәтова ихлас тырышкан, уңыш бәйрәмен отышлы, күңелләргә кагылышлы, уен-табышмакларга бай итеп үткәрү өчен күп эзләнгән, ниләр генә уйлап тапмаган. Китапханәнең иркен, якты залы көз килүне искәртә торган төсләр, көзге гөлләр белән бизәлгән, авылда үсә торган бөтен төр яшелчә дә түрдән урын алган.