Автор автор яңалыклары

• 18 февраль 2020

  Хисаметдин бабай белән горурланабыз

  Яңа Сарайлы авылында гомер итүче Бөек Ватан сугышы ветераны, авылыбызның мөхтәрәм һәм хөрмәтле кешесе Хисаметдин Садриев олуг юбилеен – 95 яшь тулган көнен билгеләп үтте. Юбилярны бу истәлекле дата белән котларга район һәм авыл җитәкчелеге дә килде. Хисаметдин аганы тәбрикләп, ил Президентының котлау открыткасын һәм истәлекле бүләк тапшырдылар, юбилярның алга таба да тыныч картлыкта яшәвен, балаларының, оныкларның, оныкчыкларының кадер-хөрмәтен күреп, бәхетле гомер кичерүен теләделәр.

  
• 17 февраль 2020

  Күпне күргән, күпне кичергән...

  Яше 90га җитеп килсә дә, озын-төз гәүдәле, җил-җил атлап йөри ул... Урамыбыз аксакалы Сәхәбетдин ага Бәхтегәрәев белән аның гомер йомгагын сүтәбез. Ә йомгак саллы – яши торгач гасырга аз гына тулмаган гомер юлы җыелган бит.

  
• 17 февраль 2020

  Финансист хуҗалыкчыл булырга тиеш

  «Финансистта хуҗа була белү сәләте булырга тиеш», – ди районның финанс-бюджет палатасы баш белгече Тамара Атанова. Ул районның салым, финанс структураларында 27 елдан артык хезмәт куя. Кайда гына эшләмәсен, Тамара Григорьевна үзен яхшы белгеч, намуслы хезмәткәр һәм бернәрсәгә дә битараф калмый торган кешелекле ханым буларак хөрмәт казана. Шуңа күрә дә аның эшен җитәкчелек тә, хезмәттәшләре дә югары бәяли. Хөкүмәтебез тарафыннан да аның хезмәтләре бәяләнә – үткән ел ТР Финанс министрлыгының Почет грамотасы белән бүләкләнде. Тамара Атанова уңышка ирешүенең сәбәбен гади генә итеп: «Эшкә зур теләк белән барам һәм башкара торган хезмәтемне бик яратам», – ди. 

  
• 14 февраль 2020

  Һәр чәкчәк үзенчәлекле

  Районда «Йолдызлы чәкчәк – Тукай чәкчәге» дигән яңа бәйрәм барлыкка килде. Былтыр «Якты юл» редакциясе коллективы, район хакимияте белән берлектә, татар халкының тантаналар символы булган чәкчәк пешерү осталары конкурсын уздырды. Әлеге проект быел да үз эшен дәвам итә. Бәйгенең сайлап алу турлары ике зонада – Боерган һәм Борды авылларында узды. 24 оста арасыннан 6 кеше финалга сайлап алынды.

  
• 14 февраль 2020

  Боерганда – осталык дәресе 

  Районда «Йолдызлы чәкчәк – Тукай чәкчәге» дигән яңа бәйрәм барлыкка килде. Былтыр «Якты юл» редакциясе коллективы, район хакимияте белән берлектә, татар халкының тантаналар символы булган чәкчәк пешерү осталары конкурсын уздырды. Әлеге проект быел да үз эшен дәвам итә. Бәйгенең сайлап алу турлары ике зонада – Боерган һәм Борды авылларында узды. 24 оста арасыннан 6 кеше финалга сайлап алынды.

  
• 13 февраль 2020

  Кирәкле чара

  Иштирәк авылы мәктәбендә мәдәният хезмәткәрләре белән берлектә «Мин – иҗади шәхес» дип аталган проект кысаларында наркотикларга каршы чара үтте. Сөйләшү тарту катнашмаларының, спайсның ни дәрәҗәдә куркыныч булуы, хәтта үлемгә китерүе турында барды. Әлеге чара урта һәм өлкән сыйныфларда укучы үсмерләрне сәламәт яшәү рәвеше алып баруга тарту максатын күздә тотты.

  
• 13 февраль 2020

  «Алтын бөртек булып калсаң иде...»

  Күзкәй мәктәбе тарихы талантларга бай... Язучылар Рәшит Гәрәй, Фәннур Сафин, Салисә Гәрәева, кыска хикәяләр остасы Габделхәй Сабитов төрле елларда безнең авыл мәктәбен тәмамлаганнар. Без аларны һәрвакыт горурлык белән искә алабыз, иҗатларын өйрәнәбез, чараларда шигырьләрен файдаланабыз.

  
• 12 февраль 2020

  Чаңгы ярышлары тукайлыларны берләштерде

  8 февраль көнне районың барлык авыл җирлекләрендә, республика акциясенә кушылып, чираттагы мәртәбә чаңгы ярышлары уздырылды. Әлеге чара районда физкультура-сәламәтләндерү хәрәкәтен үстерү, халыкны актив ял итүгә тарту максатларын күздә тотып оештырыла. 

  
• 05 февраль 2020

  Сталинград кешелек хәтерендә

  Бөек Ватан сугышы еллары көннән-көн ерактарак кала бара. 1941 елның шомлы иртәсен каршылаган һәм 1945 елның 9 маенда Җиңү көнен үз күзләре белән күргән ватандашларыбыз саны хәзер бик аз инде. Сталинградтагы канлы сугышның шаһитлары да бүген бармак белән генә санарлык. Без һәр елны 2 февральдә Сталинград сугышында җиңүне билгеләп үтәбез. Бу канкойгыч вакыйгалар 200 көн һәм төн дәвам иткән. Сталинград – батырлык шәһәре. Ул кешелек хәтерендә мәңгегә сакланачак. 

  
• 04 февраль 2020

  Әтиемнең шанлы гомеренә һәйкәл булып яши авылы

  «Галиәхмәт 1926 елның 1 октябрь көнендә Чебенле авылында өченче бала булып дөньяга килә. Гаиләдә 6 бала үсәләр. Әтисе балыкчы була. Тырышып эшләү-яшәүләре, таза тормышлы булулары аркасында, утызынчы ел шаукымы алар гаиләсенә дә кагыла: булган ат, сыерларын, хуҗалык әйберләрен, сарайларын сүтеп алып чыгып китәләр. Әтисе Хаҗиәхмәт Бондюгка качып чыгып китеп кенә исән кала, соңыннан кире кайтып колхозга керә. Галиәхмәт: «Өйгә тикшерү белән ниндидер кешеләр килгәч, миңа ике кат киндер күлмәк, ыштан кидереп Ык буена төшереп җибәрделәр», – дип сөйли иде. 

  
• 31 гыйнвар 2020

  Сугыш уты өткән буын 

  «Мин, Нәзилә Гайнетдин кызы, 1930 елның 20 апрелендә Минзәлә районы Күзкәй авылында крестьян гаиләсендә баш бала булып дөньяга килгәнмен. 11 яшем тулганчы бик бәхетле яшәдем. 3нче классны тәмамлавым 1941 елга туры килде. Иртәнге якта, коедан су алган чагым иде, кемнеңдер авыл урамы буенча: «Сугыш! Герман сугыш башлаган!» – дип атта чапканы хәтердә. Авылдашлар өйләреннән чыга, кемдер елый, кемдер сугышны каргый. Мәктәптә, өч көн рәттән аңлату эшләре алып бардылар. Аннан инде көн саен ир-атлар сугышка китә башлады. Әткәй, Гайнетдин Бәшәров, август аенда лобогрейка (уру җайланмасы) белән урак ура башлаган гына иде, энесе Әгъләметдин абый белән икесен дә фронтка җибәрделәр. Әткәй урынына лобогрейкада сеңелесе Наибә калды. Әткәйләрне башта Суслонгерда тоталар. Алты айдан соң фронтка алалар.

  
• 30 гыйнвар 2020

  Авылым батырларын барлый

  Быел 27 гыйнвар көнне Ленинград блокадасы өзелүгә 76 ел булды. 1925 елда Боерган авылында туган сугыш ветераны Кыяметдин Минһаҗетдин улы Минһаҗев Ленинград блокадасын өзүдә катнашкан. Күрсәткән батырлыгы өчен 1942 елның 22 декабрендә «Ленинград оборонасы өчен» медале белән бүләкләнә. Изге җиребезне илбасарлардан саклап калган, аның иминлеге өчен гомерләрен дә кызганмаган каһарманнар рухлары алдында хөрмәт белән баш иябез, күңелләрдә истәлекләрен яңартабыз. 1945 елның февралендә яраланып авылга кайткан, янар йөрәкле, җырга моңга сәләтле, гаярь солдат үзенең гаилә тормышын да кыю гамәлдән башлый. Мал табибәсе булып эшләгән Наҗия исемле чибәр кызны урлап алып кайта. Алар бик матур итеп яшәп китәләр, 7 бала тәрбияләп үстерәләр.

  
• 29 гыйнвар 2020

  Китапханәчеләргә ярдәмгә яңа алымнар 

  22 гыйнвар көнне Борды авылында ТАССРның – 100, Бөек Җиңүнең 75 еллыгына әзерлек кысаларында «Заманча китапханә: үсеш юллары» темасына район китапханәчеләренең семинары булып узды. Чараны үзәкләштерелгән китапханәләр системасы җитәкчесенең урынбасары Ландыш Фирдәвис кызы Бариева ачып җибәрде. Ул узган 2019 ел эшчәнлегенә йомгак ясады, агымдагы елның максат-бурычлары белән таныштырды. 

  
• 29 гыйнвар 2020

  Былтыргы «Тимерхан»

  Авыл җирлекләрендә район җитәкчеләре катнашында узган елгы эшчәнлек йомгакларына багышланган җыелышлар дәвам итә. Мәләкәс һәм Иске Җирекле авыллары җыеннарында район башлыгы Фаил Камаев катнашты. Исегезгә төшерәбез, әлеге җирлекнең дүртенче санлы сайлау округыннан ул район советы депутаты.

• 28 гыйнвар 2020

  Оргыды мулласы

  Авылны, аның халкын бик яратам. Ял көннәре җитүгә, Оргыды, Иске Абдул, Иректаң, Казиле авылларына, Татарстан, «Сосновобор» бистәләренә юл тотам. Чираттагы язмам авылдашым, Оргыды авылының лаеклы кешесе – Әмирҗан Галимҗан улы Галимҗанов турында.