Котлыйбыз!

Теләнче Тамак авылында гомер итүче кадерле кешебез Илиза Эрнест кызы Гыйльмиярованы 50 яшьлек матур юбилее белән чын күңелдән котлыйбыз.

Дөньядагы барлык назны үз күңеленә сыйдырган, җан җылысы белән йөрәгебезне җылытып яшәүче әниебезне бәйрәме белән чын күңелдән котлыйбыз. Синең нурың, күңел җылың караңгы төннәрне - тормыш күген яктыртырлык, сүнгән йолдызларны - өметләрне кабызырлык, куе болытларны - сагышларны таратырлык көчкә ия. Киңәшләрең, яратып әйткән назлы сүзләрең тирән төпле коелардан чыккан чишмә суларына тиң. Изге кулларың аша узган ризык фәрештәләр канаты тигәндәй сихәтле. Ачык йөзең белән ясаган тәмле чәйләрең, мул сыйлы табыныбыз арыган җаннарга шифа, тәннәребезгә дәва бирә.

Әниебез, кадерлебез безнең! Син безгә гомер бирдең, үстердең, кеше иттең. Хәер-фатихаңнан аермый, бүгенге көндә дә безне уйлап яшисең. Синең яшәвең безгә һава кебек, җир-су кебек кирәк. Киләчәктә дә безнең сүнмәс нурыбыз булып яшә. Сиңа имәндәй ныклы тазалык, озын-озак гомерләр, күңел тынычлыгы, шатлык-куанычлы көннәр телибез.

Безне назлап үстергән кулларың беркайчан да сызламасын. Әтиебез белән бергә-бергә балаларыңның игелегенә куанып, ныклы саулык белән гомер кичер.

Иң изге, матур, саф теләкләр белән балаларың Илсур-Алинә, Илназ һәм Әмир исеменнән тормыш иптәшең Рафис.