Бетон коймага бәрелгән

admin, 16 август 2023 - 11:11

548

Тукай районында 68 яшьлек пенсионер ВАЗ 2114 автомобиленда барганда юлны ремонтлау өчен куелган бетон коймага килеп бәрелә. Әлеге хатын-кыз М7 федераль трассасы буенча Уфа ягыннан Яр Чаллы юнәлешендә барган.

Россия Эчке эшләр министрлыгының Тукай районы буенча Дәүләт автоинспекциясе бүлеге начальнигы Шамил Ганиев хәбәр итүенчә, машина йөртүче куркынычсыз тизлекне сайламаган, юл йөрү кагыйдәләрен бозган һәм идарә итүне югалткан. Пенсионер хатынкыз төрле дәрәҗәдәге җәрәхәтләр ала. Аны Чаллы шәһәренең ашыгыч ярдәм хастаханәсенә урнаштырганнар.