Янгын чыгу сәбәпле 11 яшьлек бала зыян күргән

11 яшьлек малай берүзе өйдә калган килеш сарайга кереп шырпы белән картон яндырган. Янгынны үзе генә сүндерергә тырышкан, тик бала ялкын белән көрәшкән арада тән җәрәхәтләре ала. Нәтиҗәдә сабыйның куллары, аяклары һәм чәче янган. Соңыннан гына янгын турында күршеләренә хәбәр иткән. Ул вакытта ялкын сарай буйлап таралган булган. Якынча 50 кв.м. мәйдан тулысынча янып беткән. Хәзерге вакытта зыян күрүче бала хастаханәда ята. Район Күзәтчелек эшчәнлеге бүлегендә хәбәр итүләренчә, барлык мәктәп укучылары белән янгын куркынычсызлыгы буенча инструктаж үткәреләчәк.

/ Фотолар район Күзәтчелек эшчәнлеге бүлегеннән алынды.