WorldSkills дөнья чемпионаты җиңүчеләрен бүләкләү тантанасы башланды

Бу минутларда Казан-Арена стадионында WorldSkills стандартлары нигезендә һөнәри осталык буенча 45нче дөнья чемпионаты ябылу тантанасы бара.

Иң элек Россия Федерациясе дәүләт гимны яңгырады. Хәзерге вакытта 56 компетенция буенча бүләкләү башланды.

Чарада Россия Федерациясе Президенты Владимир Путин, республика Президенты Рөстәм Миңнеханов катнаша.

• Кичә "Казан Экспо” халыкара күргәзмәләр үзәгендә Илһам Шакиров исемендәге концертлар залында WorldSkills Juniors һәм Future Skills бәйгеләрендә җиңүчеләр игълан ителде. Россия Федерациясеннән конкурсантлар 58 алтын медаль яулады. Россия Федерациясе командасында шулай ук 22 көмеш һәм 12 бронза медаль булды.