Ут телләре ике участокны камап алган  

Биредә ут ике хуҗалыкка зыян китергән. Бер участокта ишегалдында торган иске автомобиль, скутер, көймә янган. Шунда ук яртылаш тутырылган газ баллоны торган. Ул шартлап, ут күрше ихатаның мунчасына күчкән. Янгын сүндерүчеләр килгәндә мунчаның түбәсе тулысынча янып беткән, ишек-тәрәзәләренә шактый зыян килгән була. Бәхеткә, янгын чыкканда бакча йортларында кеше булмаган, хуҗалар көндез шәһәргә кайтып киткән булган.