Тукай көннәре

Район күләмендәге бәйрәм – «Мәңге яши Тукай безнең күңелләрдә!» дип аталган әдәби-музыкаль кичә Түбән Суыксу авылында узды. Бирегә танылган язучылар Факил Сафин, Рәшит Бәшәров, Әлфия Ситдыйкова hәм Зөләйха Минһаҗева килде.
Кичәдә балалар арасында уздырылган шигъри марафонның җиңүчеләре бүләкләнде. 4-6 яшьлекләр арасында беренче урынны Иске Абдул авыл җирлегеннән Диләрә Минhаҗева, 7-11 яшьлекләр арасында Бикләннән Диләрә Гыймазиева, 12-14 яшьлекләр арасында Иштирәктән Алсу Нургалиева, 15-18 яшьлекләр арасында Мусабай Завод җирлегеннән Камилә Вилданова, 19 яшь hәм өлкәнрәкләр арасында Теләнче Тамактан Гөлнур Хәертдинова алды.